Pleng k’tiêc dưr vaih râu căh liêm crêê, đhí boo, tuh bhlong ga măc ta luôn dưr vaih coh cr’chăl ahay bhrợ bâc zr’lụ coh chr’hoong da ding k’coong Nam Đông, tỉnh Thừa Thiên Huế crêê hr’lang hr’câh bâc pa bhlâng. K’ha riêng pr’loỌng đong đhanuôr, coh đêê vêy bâc pr’loọng đong đhanuôr Cơ Tu ăt mamông coh zr’lụ hr’lang hr’câh, t’ngay ha dum k’rang k’pân da ding hr’lang hr’câh g’lâp đong xang, k’ruung bhrợ hr’câh k’tiêc ắt, k’tiêc pa bhrợ, năc căh choom ăt mamông, pa bhrợ, pr’ăt tr’mông zr’năh k’đhap pa bhlâng.

Coh 8 c’moo ha nua, pa bhlâng năc coh nhiệm kỳ Đại hội 12 âng Đảng, bh’rợ gung dưr zêl lâng cha groong t’tông k’rooch bơơn xơợng bhrợ cơnh lâng t’bhlâng chính trị pa bhlâng dal, râu t’bhlâng căh cơnh, căh vêy vêy zr’lụ căh ta đoọng, căh vêy ngai năc moon t’đui lêy lơi, căh đhêy ăt…. T’tông k’rooch âi tơơp bơơn pa xiêr, cha groong, chroi đoọng zư k’đhơợng zư đơc Đảng liêm ch’ngaach, nhâm k’rơ lâng bhrợ pa dưr loom chăp đươi âng đha nuôr cơnh lâng Đảng, Nhà nước. N’đhơ cơnh đêêc, đhị đâu, đhị tôh công dzợ vêy loom pu ha dang t’bhlâng bhrợ bhrơợng zêl t’tông k’rooch năc buôn cr’đơơng tươc râu pa dưr âng vel đong đay. Đoọng xơợng bhrợ liêm choom g’luh gung dưr zêl lâng cha groong t’tông k’rooch kiêng xơợng bhrợ bâc c’lâng bh’rợ bhrơợng k’rơ mr’cơnh, n’dhang l’lăm năc choom pa xăr râu loom t’bhlâng dưr vaih bh’rợ bhrợ têng la lua âng zâp cán bộ, đảng viên lâng đha nuôr.