C’moo 2020, đhanuôr miền Trung crêê bil hư ngân pa bhlâng tu bâc g’luh đhí boo, tuh bhlong, pr’luh cr’ăy bhrợ t’vaih. Bơr g’luh pr’luh cr’ăy Covid-19 xang n’năc pazêng g’luh đhí boo, tuh bhlong ơy bhrợ t’vaih râu bil hư ngân pa bhlâng ha bâc pr’loọng đong. Nâu đoo công năc c’moo zr’năh k’đhap lâng bil bal lâng lực lượng vũ trang. Bh’rợ bộ đội chang tuh trôông dzâc đhanuôr, chêêc lêy trôông dzâc manuyh crêê k’tiêc đhâl g’lâp tu hr’lang hr’câh da ding k’coong, tuh pr’hơợc năc bhrợ t’vaih râu liêm pr’hay coh loom đhanuôr, bhrợ pa dưr k’rơ lâh mơ xa nay bh’rợ chr’năp liêm bhlưa quân lâng đhanuôr.

Hướng Hoá nắc chr’hoong k’coong ch’ngai âng tỉnh Quảng Trị vêy lấh m’pâng đhanuôr nắc acoon cóh, pr’ắt tr’mung zr’nắh k’đhạp bhlâng. Đợ c’moo hanua, vel đông nâu nắc ơy vêy bấc c’lâng bh’rợ đoọng pa xiêr đha rứt đấh lâng nhâm mâng. Ooy đâu, bhrợ đoọng bhiệc bhrợ ha đha đhâm c’moor ooy zâp bh’rợ tr’nêng nắc mưy ooy đợ bhiệc bhrợ xoọc bơơn xay bhrợ đhị đâu