VOV.Jarai -Khua dêh čar ta ơi Phạm Minh Chính git gai mông jơnum Grŭp črâo ba kơ bôh thâo phrâo măi mok, pơplih phrâo pơčeh phrâo, pơplih mrô. -Anăp nao hơdor glăi 78 thun Hrơi pioh kơ Ling tơhan rơka ruă – Pơsăn drơi (27/7), Khua git gai Ping gah, Kơnuk kơna nao čuă brơi gơnam tam kơ ƀing tơhan rơka ruă, sang anô̆ ling tơhan rơka ruă hăng mơnuih djru ngă hơkrŭ đưm hăng ngă hơkrŭ amăng đơ đam dêh čar. -Tơring čar Lâm Đồng pơsit pok pơhai ngă tui jơlan pơtrut tañ rơnoh pơsir prăk tuh pơplai bruă hrŏm. -Khua mir sir dêh čar Nga Putin amra anăp nao pơsir mơ-ak klă kơ Ukraine -Khul pơlir hơbit kual Mi Kô̆ pơƀut jơnum tŭ ư hrŏm hơdôm bruă kiăng hruă kơjăp hơdră bruă kơ tơlơi mơnuih đuăi hyu dô̆ hăng mơnuih dô̆ kơđăp.

VOV.Jarai

VOV.Jarai

VOV.Jarai-Khua dêh čar ơi Phạm Minh Chính git gai pơsir brơi tơlơi gun hơdôm bruă gah lŏn tơnah. - GPJPVN čơkă Grup khua mơ̆ng Gong phun pôr pơhing Quảng Tây (Khač). - Lâm Đồng pơhrua tui giăm 300 klai prăk pioh đĭ kyar kual plơi pla djuai ania ƀiă. - Jơnum ngui sang čơ sĭ mơdrô Việt - Lào thun 2025 pơphun ƀơi Viêng Chăn. - Việt Nam - Thái Lan pơđĭ tui tơlơi ngă hrŏm tơlơi pơhing phrâo amăng rơnuk mă yua boh thâo mrô.

VOV4.Jarai-Khua dêh čar ta ơi Phạm Minh Chính lăi rơđah pran jua, pơsit pioh pơtrut pơđĭ kyar bơwih ƀong thun 2025. -Kơ-iăng Khua dêh čar ta ơi Trần Hồng Hà rơkâo pơsir pioh hơdôm tơlơi gun amăng bruă đang hmua hăng rơhuông adai lŏn mơnai. -Khul Khua pơ ala mơnuih ƀôn sang tơring čar Dak Lak pel ĕp lu tơlơi pơtrun pơsit pơtlaih anih hruă bruă mă phrâo. -Tơring čar Lâm Đồng pơkă rơnoh djru hăng mơnuih apăn bruă, mơnuih mă bruă čar, mơnuih mă bruă pơkon yua dưm dăp anom bruă čar. -Khul pơlir hơbit kual Mi Kô̆ lăi pơthâo tơlơi ba tơbiă ngăn drăp phrâo hmâo abih bang nua ñu 2.000 klai ơ-rô.

VOV4.Jarai-Khua git gai ping gah ơi Tô Lâm nao čuă, ƀơk gơnam kơ ƀing tơhan rơka rơkač hăng ruă nuă ƀơi Bắc Ninh -Khua dêh čar hăng khua git gai pơ ala mơnuih ƀôn sang hrŏm hơbit git gai jơnum djop grup hyu mă bruă mơ̆ng Ding jum kơđi čar -Lâm Đồng pơphun sem glăi bruă ngă tơdơi kơ Jơnum ruah khua lông ngă gru hlâo ping gah gưl să blung a -Dêh čar Mi hăng Indonesia bơtŭ ư nao rai rơnoh mă jia hăng sĭ mơdrô pơprong -Dêh čar Nga hăng Triều Tiên pok jơlan rơdêh por pơtruh nao rai Moscow hăng Bình Nhưỡng

VOV4.Jarai-Khua dêh čar ta ơi Phạm Minh Chính tŭ jum ơi Masayuki Omoto, Khua Grŭp bơwih ƀong Marubeni (Japan). -Kơ-iăng Khua dêh čar ơi Nguyễn Hòa Bình mă bruă hăng tơring čar Lâm Đồng kơ tơlơi mă bruă gong gai 2 gưl. -Tơring čar Dak Lak pơhrui nganw drăp kơnuk kơna hmâo rơbêh kơ 8.700 klai prăk amăng ha mơkrah akô̆ thun anai. -Grŭp GEO (Đức) tuh pơplai 50 klăk dolar Mi pơdŏng Sang hră pơtô mơnuih mă bruă apui yua pơkra glăi ƀơi Gia Lai. -Kual Mi Kô lăi pơtă kơ tơlơi kơdŏng nao rai gah sĭ mơdrô kơplah wah Mi hăng EU tơdah 2 bơnah ƀu hmâo tơlơi pơkôl kơ mă jia hlâo kơ lơ 1/8.

VOV4.Jarai-Khua dêh čar ta ơi Phạm Minh Chính bưp mơnuih ƀôn sang ƀôn prong Cần Thơ. -Ơi Phan Đình Trạc rơkâo tơring čar Lâm Đồng pơsir tơlơi akă giong amăng hră pơ-ar lŏn drŏn. -Jơnum Ping gah Gong phun jua pơhiăp dêh čar Việt Nam tal 27 truh kih klă hiam. -Dêh čar Nga hăng Khač kơtưn gum hrŏm khom ngă. -Dêh čar Indonesia hăng EU pơtrut tan tơlơi pơkôl sĭ mơdrô CEPA.

VOV4.Jarai

VOV4.Jarai – Tơlơi pơhing čơtlăm hrơi 5, lơ 11/07/2025 hmâo hơdôm mơta tơlơi pơhing phun tui anai. -Khua dêh čar ta ơi Phạm Minh Chính bưp ƀô̆ mơta ƀing khua ding jum pơtom hiăp đah kơmơi Việt Nam hăng jar kơmar. -Khua git gai pơ ala mơnuih ƀôn sang dêh čar ơi Trần Thanh Mẫn tŭ jum Kơ-iăng Khua Khul Khua pơ ala plơi pla Indonesia. -Tơring čar Dak Lak lăi pơthâo 4 gru than phun mrô pioh kơ bruă gong gai plơi pla 2 gưl. -Jơnum Khua Ding jum pơtom hiăp kual ASEAN iâo pơthưr djă pioh rơnuk rơnua ƀơi Ia Rơsĭ Ngŏ. -Khua Ding jum pơtom hiăp dêh čar Nga hăng Khač bơkơtuai gum hrŏm dua bơnah.