VOV.Jarai-Khua git gai Ping gah dêh čar ơi Tô Lâm nao ngă lơphet hơdor glăi hrơi gru grua tơhan kông ang. - Khua dêh čar nao ngă lơphet lăi pơthâo kual lŏn Yên Tử-Vĩnh Nghiêm-Côn Sơn, Kiếp Bạc hơmâo UNESCO tŭ yap lĕ gru grua rŏng lŏn tơnah. - Anom bơwih ƀong sĭ mơdrô kual Dơnung tong krah hăng Dap kơdư pơčrông sai kơ bruă pơđĭ kyar bơwih ƀong mơnuih ƀôn sang ngă pô. - Tal pơbưp kơplah wah Mi hăng Nga ƀơi Alaska aka ƀu ba glăi tơlơi pơplih kơ bruă ƀơi dêh čar Ukraine. - Dêh čar Kur-Thái Lan hơmâo tơlơi pơplih amăng ngă tui bruă pơdơi blah.

VOV.Jarai

VOV.Jarai – Tơlơi pơhing čơtlăm hrơi 5, lơ 15/08/2025 hmâo hơdôm mơta tơlơi pơhing phun tui anai. - Khua git gai Ping gah Cộng sản dêh čar Việt Nam ơi Tô Lâm pơhiăp telephôn bơkơtuai hăng Khua git gai Ping gah mơnuih ƀôn sang dêh čar Kur ơi Hun Sen. - Jơnum bơkơtuai boh thâo gưl dêh čar hăng anăn “Ngă hơkrŭ blan 8 hăng akŏ pơjing lŏn ia lơ 2/9-Rơnoh yôm đưm hlâo hăng pran kơtang tŏ tui na nao”. - Jơnum Ping gah Jơnum min mơnuih ƀôn sang tơring čar Dak Lak tal I, rơwang thun 2025-2030. - Nga, Mi tŭ ư hăng jơlan hơdră amăng hơdôm tal pơbưp khua mua. - Khua ding jum pơtom hiăp hơdôm boh dêh čar kual ASEAN prap nao bưp khua mua dêh čar Myanmar amăng blan 9 pơ anăp.

VOV.Jarai Tơlơi pơhing phrâo hơmâo hơdôm tơlơi pơhing phun lăp đing nao tui anai: -Khua git gai ping gah ơi Tô Lâm pơđut laih tal nao čuă gưl kơnuk kơna pơ Hàn Quốc -Khua dêh čar ơi Phạm Minh Chính tŭ jum grup khua mua pơ ala Pơblih bruă mă sang bruă mơdrô dêh čar Lao -Khua apăn bruă phun pơ ala mơnuih ƀôn sang tơring čar Dak Lak mă bruă hăng khul khua phun pơ ala mơnuih ƀôn sang 12 boh phường, să kual gah yŭ tơring čar -Khua mua dêh čar Đức, Ukraine git gai jơnum hrŏm online hăng khua mir sir dêh čar Mi laih anun khua mua amăng kual Mi kô̆ -ASEAN-New Zealand anăp nao akŏ pơjing bruă ngă giăng mah kơjăp hloh

VOV.Jarai Tơlơi pơhing hrơi anai, hơmâo hơdôm tơlơi pơhing phun lăp đing nao tui anai: -Khua git gai ping gah ơi Tô Lâm nao mă tơngan hăng Khua git gai pơ ala mơnuih ƀôn sang dêh čar Hàn Quốc ơi Woo Won Sik -Khua dêh čar ơi Phạm Minh Chính tŭ jum Khua phun git gai Group sĭ mơdrô prong Qualcomm dêh čar Mi -Ơi Rahlan Chung ngă khua git gai ping gah djop anom bruă amăng ping gah tơring čar Gia Lai wai lăng rơwang bruă thun 2025-2030 -Tal bưp plah wah Khua mir sir dêh čar Nga ơi Vlaidmir Putin hăng Khua mir sir dêh čar Mi, ơi Donald Trump amra pơphun ƀơi Anchorage, Alaska -Khua mua dêh čar Khač, Brazil pơhiăp telephôn bơkơtuai nao rai bruă ngă hrŏm dua bơnah hăng tơlơi gơgrong mơ̆ng BRICS

VOV.Jarai Khua git gai Ping gah ơi Tô Lâm bưp Khua dêh čar Hàn Quốc ơi Kim Min Sớc. Khua mir sir ơi Lương Cường tŭ jum Khua Anom bruă Kơđi čar Khul ling tơhan dêh čar Lao. Khua anom pơtô bruă ping gah hăng pơtô ba mơnuih ƀôn sang dêh čar ơi Nguyễn Trọng Nghĩa ngă bruă hăng Ling tơhan pơgang guai tơring čar Gia Lai. Khua mua kual Mi Kô̆ jơnum mơ̆ng ataih (online) hlâo či bơkơtuai hăng Khua mir sir dêh čar Mi ơi Donald Trump lăi nao kơđi tơlơi dêh čar Ukraine - Hàn Quốc - Khač wơ̆t hăng Japan pơtrut ngă hrŏm bruă ngă hmua hơđong kjăp.

VOV.Jarai Khua git gai Ping gah ơi Tô Lâm nao čuă sit nik dêh čar Hàn Quốc. Khua dêh čar ơi Phạm Minh Chính mă bruă hăng sang bruă kơsem min pơđĭ kyar anom bơwih ƀong huă mơnuih ƀôn sang ngă pô. Giăm 3.000 čô mơnuih duam đung drah, tơring čar Dak Lak ječ ameč pơgang kman. Khua mir sir dêh čar Nga bơkơtuai hăng Khua mir sir dêh čar Brazil kơ bruă ƀơi Ukraine. Jơnum Khua ding jum pơhlôm mơnong ƀong huă Khul ngă hrŏm bơwih ƀong huă ƀơi kual Asia-Thái Bình Dương (APEC) pơphun ƀơi dêh čar Hàn Quốc.

VOV.Jarai

VOV4- Tơlơi pơhing phrâo lơ 8-8-2025 hơmâo hơdôm mơta tơlơi pơhing phun tui anai: - Khua git gai Ping gah dêh čar ơi Tô Lâm tŭ jum Khua khul pơlir Khua pơ ala mơnuih ƀôn sang giang mah dêh čar Japan-Việt Nam, yă Obuchi Yuko. - Khua mir sir ơi Lương Cường jơnum bơkơtuai hăng Khua mir sir dêh čar Angola. - Phường Tuy Hòa pơsit tơlơi gơgrong mơng anom mă bruă phun gah Ngŏ tơring čar Dak Lak. - Khua mir sir dêh čar Nga bơkơtuai hăng khua mir sir dêh čar UAE. - Mông jơnum mơ̆ng Jơnum min guai lŏn ia hrŏm dêh čar Kur-Thái Lan hơmâo tơlơi pơkôl yôm kơ pok pơhai pơdơi blah.

VOV.Jarai - Tơlơi pơhing phrâo lơ 7-8-2025 hơmâo hơdôm mơta tơlơi pơhing phun tui anai: - Khua mir sir ơi Lương Cường pơphun nao čuă gưl Kơnuk kơna pơ dêh čar Angola. - Tơring čar Dak Lak ječ ameč tuh pơ alin pơplih yua boh thâo phrâo ia rơgơi hăng pơplih hơdră ngă hră pơ-ar. - Lâm Đồng pơtrut tañ ngă tui akŏ bruă čuk pơkra jơlan dêh čar mrô 28B. - Khua mir sir dêh čar Nga, ơi Vladimir Putin hơmâo mông bưp hăng Khua djru bruă mơng Khua mir sir dêh čar Mi, ơi Steve Witkoff.