VOV4.Jarai – Hơkrŭ glăi drơi jăn lĕ sa amăng hơdôm bruă ƀing juăt bruă hmâo hăng glăk hmâo gum hơgôp sa črăn yôm phăn lơm hơkrŭ glăi tơlơi suaih pral kơ mơnuih duam ruă. Hơkrŭ glăi drơi jăn djơ̆ hơdră djru pơplih hăng hơkrŭ glăi hơdôm anih amăng drơi jăn, ƀơi anih bơdjơ̆ nao yua kơ rơka ruă, yua kơ rơbuh đih, ƀudah yua kơ anô̆ pioh glăi mơ̆ng hơdôm tơlơi ruă kah hăng rơbuh đih yua kơ tơtăng ară drah, ară drah hơtai bôh, tơlang, ŭt tơlang, kron glô... ba truh. Lơm hơkrŭ glăi drơi jăn juăt ñu ngă tui dua mơta pơgang hăng pơjrao pioh djru pơđĭ tui bôh tơhnal pơjrao, plai ƀiă ruă lok glăi tơdơi kơ pơjrao, djru pơgang tơlơi ruă pioh bĕ añron kroñ, jô drơi jăn.

VOV4.Jarai - Tơlơi pơhing phrâo hrơi dua, lơ 7-5-2024 hơmâo hơdôm mơta tơlơi pơhing phun: - Mơguah hrơi anai (lơ7/5), ƀơi plơi prong Điện Biên Phủ, tơring čar Điện Biên ngă lơphet prong gưl Kơnuk kơna hăng brơi tơhan rơbat pơtrui ƀrô 70 thun hrơi Blah dưi ƀơi Điện Biên Phủ. - Khua ding jum kông an ơi Tô Lâm bưp mơnuih ƀôn sang ƀơi tơring čar Hưng Yên. - Jơnum min pơ ala mơnuih ƀôn sang tơring čar Lâm Đồng nao čuă, brơi gơnam kơ ling tơhan Điện Biên. - Anom bruă pôr pơhing dêh čar Lao pôr pơhing kơ hrơi ngă lơphet 70 thun Blah dưi ƀơi Điện Biên Phủ. - Khul pơlir hơbit kual Mi Kô̆ lăng yôm tơlơi rô nao rai bơwih ƀong sĭ mơdrô EU - Khač.

VOV4.Jarai - Tơlơi pơhing phrâo hrơi sa, lơ 6-5-2024 hơmâo hơdôm mơta tơlơi pơhing phun: -Pơdah rup to nao rai hăng anăn “Gah yŭ hla kơ Khom Dưi” ƀrô hơdor glăi 70 thun hrơi blah dưi ƀơi Điện Biên Phủ lơ 7/5 -Khua dêh čar ơi Phạm Minh Chính git gai jơnum Khul khua mua git gai bruă mă kual Đông Nam Bộ tal 3 -Kơ-iăng Khua dêh čar ơi Trần Lưu Quang nao ĕp lăng bruă mă wai pơgang glai rưng ƀơi Kon Tum -Dêh čar Nga ăt pơtop tơhan rơbat pơtrui rŭi tơhan hơdor glăi hrơi blah pơrai tơhan soh sat phat sit -Khua mir sir dêh čar Khač nao čuă sit nik kual Mi kô̆

VOV4.Jarai - Jơnum min Gru grua, Pơtô hrăm pơphun Jơnum abih bang tal 7 - Grup khua mơ̆ng ƀôn prong Hồ Chí Minh nao čuă ling tơhan hơđăp blah ƀơi Điện Biên Phủ hlâo adih. - Dak Lăk djru prăk man pơdong 1.200 boh sang kơ sang anŏ ƀun rin - Dêh čar Kur đing nao bruă hyu ĕp, ba glăi tơlang tơhan djai pơsăn drơi jăn, ƀing rơgơi kơhnâo Việt Nam. - Sang gum hơbit djŏp dêh čar brơi thâo nua braih apiăng rŏng lŏn tơnah đĭ blan tal 2

VOV4.Jarai - Kơ-iăng Khua git gai pơ ala mơnuih ƀôn sang dêh čar ơi Trần Thanh Mẫn dưi jao git gai bruă mă mơng Jơnum min apăn bruă phun pơ ala hăng Ƀirô Khua pơ ala mơnuih ƀôn sang dêh čar. - Jơlan ngui adôh suang “Điện Biên Phủ-Ƀu dưi wơr hĭ ôh” pơphun ƀơi Hà Nội. - Khua Jơnum min djop djuai ania mơnuih mơnam Việt Nam tơring čar Dak Nông nao čuă, ƀơk gơnam ƀing ling tơhan Điện Biên. - Jơnum Khul Khua ding jum mơng grup ngă hrŏm hăng pơđĭ kyar pơphun ƀơi dêh čar Prang. - Ƀirô Khua pơ ala mơnuih ƀôn sang dêh čar Serbia tŭ yap kơnuk kơna pơlir hơbit.

VOV4. Jarai - Khua mua pơ ala mơnuih ƀôn sang dêh čar tal 15 iâu pơtum jơnum ječ ameč lok 7 ƀu pơthâo hlâo, sem lăng bruă ruah mơnuih apăn bruă. - Hrơi pơdơi phrâo laih rơgao, dêh čar ta čơkă 8 klăk wơ̆t čô tuai, đĭ 14,2% pơhmu hăng tơđar thun 2023. - Jơnum min mơnuih ƀôn sang tơring čar Kon Tum pơtrun bruă ngă tui Jơlan hơdră pơhlôm hơmâo djŏp jrao vắc xin tlâ̆o pơgang truh pơ thun 2030 ƀơi tơring čar. - Khua ding jum pơtom hiăp dêh čar Êjip hăng Prang bơkơtuai kơ kơđi tơlơi kual Trung Đông - Hơdôm boh dêh čar G7 tŭ ư pơdơi mă yua apui lơtrik pơkra mơ̆ng hơdăng boh pơtâo amăng thun 2035.

VOV4. Jarai

VOV4.Jarai

VOV4.Jarai-Khua git gai Ping gah, Kơnuk kơna mut čuă pơsat jep Khua mir sir Hồ Chí Minh. -Pok phun blan mă bruă Pơhlôm hơdjă gah amăng bruă mă hăng Blan mơnuih mă bruă kơ sang bruă thun 2024. -Jơnum pơtrut sĭ mơdrô hăng pơđĭ kyar blơi sĭ hăng dêh čar tač rơngiao kual Dap Kơdư. -Sang gum hơbit djop dêh čar bơni Khul jao bruă ƀơi Haiti. -Khua mir sir dêh čar Indonesia phrâo ruah lăi pơtŏng amra gir run yua kơ bôh tŭ yua mơ̆ng djop mơnuih ƀôn sang Indonesia.

VOV4.Jarai-- Khua dêh čar rơkâo ječ ameč pơsir hĭ tơlơi truh sat mơng bruă trăm ƀattô amăng ia krông Chanh, tơring čar Quảng Ninh. - Khua ding jum kông ang ơi Tô Lâm git gai Jơnum lăng glăi bruă mă amăng blan 4 hăng pok pơhai jơlan hơdră bruă mă phun blan 5/2024. - Anom bruă git gai ling tơhan tơring čar Dak Lak hăng VOV Dap kơdư pơphun “Jơnum kĭ jơlan hơdră gum hrŏm pơtô pơblang bruă jao pơgang rơnuk rơnua thun 2024”. - Dêh čar Mi hrŏm hăng 17 dêh čar ngă gŏp hơmâo tơlơi pơsit hrŏm iâu pơthưr phai hĭ ƀing mơnuih mă pơkŏng ƀơi Gaza. - Tơlơi bơwih ƀong huă dêh čar Nga glăk pơđĭ kyar tañ hloh.