VOV.Jarai - Mơguah kơnôl 16/9, ƀơi Sang hră Kơđi čar dêh čar djă anăn Hồ Chí Minh, Khua dêh čar ơi Lê Minh Hưng pơčrông sai hăng pơtô pơblang akŏ bruă “Pơđĭ tui tơlơi rơgơi git gai mơ̆ng Kơnuk kơna, pơplih kơtang kiăng đĭ kyar tañ, hơđong kjăp hăng đĭ rơnoh 2 mrô” kơ ƀing glăk hrăm amăng Anih pơtŏp rơguăt bruă, pơhrua tui tơlơi thâo rơgơi hăng Ding kơna Khul khua apăn bruă ping gah dêh čar tal XIV - Anih hrăm tal dua.

VOV.Jarai-Tlam (16/9), ƀơi Ƀirô Kơnuk kơna, Khua dêh čar ơi Lê Minh Hưng git gai jơnum kơ bruă čih pơkra tơlơi phiăn blan 9/2026, sem lăng, pơgôp hiăp hăng 08 črăn tơlơi phiăn, tơlơi pơtrun prap lui mơ-it nao jơnum lok 2, Khua pơ ala mơnuih ƀon sang dêh čar tal XVI.

VOV.Jarai-Tlam kơnôl 16/9, ƀơi sang bruă khua pơ ala mơnuih ƀôn sang dêh čar, Khua ping gah, khua mir sir ơi Tô Lâm, Khua grup hyu ĕp lăng bruă mă, krăp lăng mrô 218 mơ̆ng Ding jum kơđi čar git gai jơnum pơsit boh tơhnal ĕp lăng bruă mă, krăp lăng mơ̆ng khul apăn bruă phun ping gah sang bruă khua pơ ala mơnuih ƀôn sang dêh čar.

VOV.Jarai-Kơnôl 16/9, sang bruă pơhlom nua mơnuih mơnam tơring čar Dak Lak jơnum lăi pơthâo mơta tơlơi 215 Hơdrôm hră Tơlơi phiăn pơkă tơlơi soh pleč ƀlor amăng bruă yua hră pơhlom nua ia jrao.

VOV.Jarai-Mơguah kơnôl 16/9, ƀơi sang bruă khua pơ ala mơnuih ƀôn sang dêh čar, ơi Trần Thanh Mẫn, Khua pơ ala mơnuih ƀôn sang dêh čar, hơmâo tŭ jum Grup khua mua Jơnum min prăk kăk hăng bơwih ƀong huă anom bruă pơ ala mơnuih ƀôn sang dêh čar Khač, yua kơ Khua Jơnum min, ơi Chung Sơn ba jơlan hlâo rai čuă, mă bruă ƀơi Việt Nam.

VOV.Jarai-Kơnôl 16/9, Khul tơhan hơkrŭ ngă sŭ hluă anăn Khối Biệt động Sài Gòn-Gia Định hrŏm khul pơtruh brơi tơlơi pơhing tơhan Biệt động Sài Gòn gah kual dơnung yŭ, grup 67 A, ƀing čơđai sang hră ling tơhan hơđăp hăng sang bruă djă pioh kơ tơhan Biệt động Sài Gòn-Gia Định nao čuh ñang h’ŭ kơ ƀing tơhan khin hơtai djai drơi yua kơ lơ̆n ia ƀơi đang bơnga Lê Thị Riêng.

VOV.Jarai - Tom brơi (kơnôl 15/9), ƀơi Hà Nội, Khua dêh čar ơi Lê Minh Hưng tŭ jum Ơi pơtao Thái Lan hăng ñu ƀrô hrơi rai čuă Kơnuk kơna Việt Nam.

VOV.Jarai - Tâ̆o hloh kơ dŏ tơguan hơdră pơsir hơmâo hơđăp, sang bruă mơdrô hơmâo pơtrut pơsur ba tơbiă tơlơi kiăng pơmin glăi tong ten anŏ či kiăng, mơ̆ng anun gong gai pơƀuh brơi tơlơi gêh găl, mơnuih mă bruă, hrŏm hăng sang bruă mơdrô hơduah ĕp hơdră pơsir. Anai jing tơlơi hơmâo lăi nao amăng jơlan hơdră “Kơphê mơnuih mơdrô prong” yua tơring čar Dak Lăk pơphun.

VOV.Jarai-Kơnôl 15/9, Grup pel ĕp pơlir hơdôm gơnong bruă Gong phun jua pơhiăp dêh čar Việt Nam, Ding jum ling tơhan hăng Ding jum kông ang, yua ơi Vũ Hải Quang-Kơ-iăng Khua phun, khua anom bruă git gai ling tơhan, Khua khul git gai pơgang, pơgăn ngă pirăt Gong phun jua pơhiăp dêh čar Việt Nam ba jơlan hlâo grup hyu mă bruă, pơphun pel ĕpbruă pơhlôm pơgang rơnuk rơnua, hơđong, pơgăn ngă pirăt, pơgang apui ƀong, hơđong glông pôr pơhing hăng pơgang hơgŏm tơlơi pơhing kơnuk kơna ƀơi anom bruă pơdong ƀơi kual Dap kơdư (VOV Dap kơdư).

VOV.Jarai-Tom brơi (15/9), ƀơi Hà Nội, Khua git gai Ping gah, Khua mir sir ơi Tô Lâm bưp ƀô̆ mơta ƀing pơ ala Khul pơlir hơdôm grup giang mah Việt Nam tal VII, rơwang thun 2026-2031.