VOV.Jarai - Kơnôl 6/9, pơhiăp ƀơi mông Jơnum ngă hrŏm hơdôm boh tơring ƀơi Việt Nam - Japan thun 2026, hơmâo pơphun ƀơi Huế, Khua dêh čar ơi Lê Minh Hưng lăi, Việt Nam hăng Japan jing gŏp ngă hrŏm đĭ kyar lu biă, laih anun dưi gơgrong pô jơlan hơdră ngă bruă akŏ phun.

VOV.Jarai-Ping gah tơring čar Dak Lak phrâo pơphun jơnum bưp ƀô̆ mơta ƀing apăn bruă ruah pơmut amăng Khul djru bruă, Khul apăn bruă Ping gah tơring čar hăng hơdôm anih mă bruă phun amăng tơring čar, rơwang thun 2025-2030, 2026-2031.

VOV.Jarai-Tŭ ư hăng tơlơi jak iâu mơng Khua mir sir Nga ơi Vladimir Putin, hrơi anai (7/9), Khua git gai Ping gah, Khua mir sir ơi Tô Lâm hăng bơnai ñu hrŏm hăng ƀing khua mua pơprong dêh čar Việt Nam tơbiă mơng Hà Nội nao čuă gưl kơnuk kơna pơ dêh čar Nga.

VOV.Jarai-Găn rơgao 80 thun, jua pơhiăp mơng Gong phun jua pơhiăp dêh čar Việt Nam pôr hyu djop plơi pla ala ƀon, jê̆ giăm hăng djop djuai ania. Hăng jơlan hơdră pơtui hăng tơlơi K’ho, găn rơgao 25 thun laih hăng glăk tŏ tui pôr pơhing amăng plang mơnuih mơnam, kiăng boh pơhiăp mơng VOV hăng tơlơi djuai ania ƀiă ƀu djơ̆ kơnong nao jê̆ giăm neh met wa đôč ôh ôh ăt pơgôp djă pioh boh pơhiăp, gru grua djuai ania K’ho amăng tơlơi hơdip tŭ tă ră anai.

VOV.Jarai-Thun hrăm anai, tơring čar Lâm Đồng hơmâo rơbêh 830.000 čô čơđai sang hră, amăng anun 182 rơbâo čô čơđai sang hră djuai ƀiă. Ƀơi kual ataih, asuek, plơi pla mơnuih djuai ƀiă, prăp lui thun hrăm phrâo hơmâo sang hră hiam phrâo man pơdong hiam klă, ƀing nai pơtô gir run djru ba ngă pơblih rơđah rơđong tơlơi pơmin, bruă mă mơ̆ng lu sang anŏ mơnuih ƀôn sang. Abih bang pơjing rai sa tơlơi găl, pran jua mơak phrâo pioh kơ čơđai sang hră kual ataih tơnap tap hrưn đĭ mut thun hrăm phrâo hơmâo lu tơlơi gêh găl, pơđĭ kyar hrưn đĭ. Khoa Điềm hơmâo tơlơi čih lăi nao kơ tơlơi anun.

VOV.Jarai-Thun hrăm phrâo 2026-2027, djop sang hră đôm lăm dua gưl ƀơi djop să ter guai dêh čar tơring gah yŭ tơring čar Gia Lai pơphun mă bruă laih, čơkă rơbêh 6.800 čô čơđai sang hră mut hrăm. Anai lĕ tal blung lu čơđai sang hră dưi mut hrăm, dŏ glăi hăng ngui ngor amăng sang hră đôm lăm hơmâo djop mơta anŏ gêh găl hiam klă. Hơdôm hrơi hăng anai, ƀing čơđai sang hră hik hăk mơak pran čơkă thun hrăm phrâo, bơ khul amĭ ama ăt hơđong pran mơ̆n, dưi hơmâo ƀing nai neh, met anong amăng sang hră čơkă jum bơwih brơi tơlơi hrăm hră, dŏ dong ƀong huă kơ ană bă čơđai sang hră kơnuk kơna čem rông.

VOV.Jarai-Khul apăn bruă Ping gah tơring čar Dak Lak pơphun Jơnum lăi pơthâo hơdôm tơlơi pơtrun kơ bruă ruah dưm dăp mơnuih apăn bruă, amăng anun akŏ pơjing lông lăng Ping gah Jơnum min djop djuai ania mơnuih mơnam hăng djop khul grup tơring čar, Ping gah Jơnum min pơ ala mơnuih ƀôn sang tơring čar dong amăng Ping gah tơring čar.

VOV.Jarai-Mơng đang hmua ƀơi Dak Lak, lu mông “jơnum sang čơ” phrâo pơphun; ƀu kiăng sang sĭ mơdrô, ƀu kiăng anih dưm gơnam tam. Kơnong kơ sa boh măi telephôn, ƀing mơnuih thâo hluh rơđah kơ gơnam đang hmua amra ba pơƀuh brơi mơnuih blơi yua đơ đam dêh čar. Anai lĕ hơdôm mông livestream amăng plang mơnuih mơnam-sa hơdră lăi pơthâo hăng sĭ mơdrô gơnam tam glăk hơmâo gong gai hăng gơnong bruă bơdjơ̆ nao đing nao biă mă.

VOV.Jarai-Tlam kơnôl 3/9, gơnong bruă pơtô pơjuăt tơring čar Dak Lak pơphun jơnum lăi pơthâo hơdôm tơlơi pơtrun kơ bruă dưm dăp hơdôm anih pơtô pơjuăt yua Gơnong bruă wai lăng.

VOV.Jarai-Tlam kơnôl 3/9, Khua dêh čar ơi Lê Minh Hưng git gai jơnum Kơnuk kơna tui tơđar blan 8/2026.