Pơhiăp đĭ ƀơi mông jơnum, Khua ping gah, khua mir sir ơi Tô Lâm lăi pơtong, anai lĕ mông gêh găl kiăng lăng glăi boh tơhnal dưi ngă hăng bruă pơčrong sai hrŏm anăp či ngă bruă, dăp hơdră bruă yom kơ lơ̆n ia hăng jar kmar, tơhnal pơkă pơtruh brơi mơnuih thâo hră mơ̆ng Việt Nam hăng jar kmar, kiăng djru ba tơlơi thâo thăi kơsem min, pơtruh brơi bruă pơtô hrăm mơnuih mă bruă, thâo rơgơi kơ Việt Nam ƀơi Japan.

Tơlơi ngă giăng mah rô nao rai Việt Nam hăng Japan, djru ba pơtô hrăm mơnuih rơgơi, kơhnâo kơhnăk hlăk klă hiam biă mă, ba glăi boh tŭ yua lu, amăng anun kơsem min boh thâo ia rơgơi, pơblih pơčeh phrâo hlăk jing tơlơi thâo pioh ba yua kah hăng tơmeh phun kơ dua bơnah. Khua ping gah, khua mir sir ơi Tô Lâm lăi pơtong, ăt pơtrut lu mông bưp nao rai, kiăng hmư̆ kah hăng kah pơpha boh tơhnal kơsem min, djru ba yua sit nik; rơkâo ƀing rơgơi kơhnâo, ƀing kơsem min djru hrŏm kơ bruă pơđĭ kyar lơ̆n ia, ăt kah hăng djru hrŏm kơ bruă ngă giăng mah, pŭ ƀăn hiam klă plah wah Việt Nam hăng Japan.