Khua tơhan krên dên Đại tướng Phan Văn Giang brơi Miđai 80 thun mut ping gah kơ dua čô mơnuih ping gah ƀơi Thái Nguyên
Thứ sáu, 10:50, 06/11/2026
VOV/Siu H'Mai pơblang
VOV/Siu H'Mai pơblang
VOV.Jarai - Mơguah kơnôl 5/11, Khua tơhan krên dên Đại tướng Phan Văn Giang, Kơ-iăng khua Kơnuk kơna, Khua ding jum Ling tơhan hrŏm hăng grup khua mua nao čuă jơmư, brơi Miđai 80 thun mut ping gah (tal brơi miđai kơnôl 7/11/2026) kơ dua čô mơnuih ping gah ƀơi tơring čar Thái Nguyên.
Dua čô mơnuih ping gah hơmâo mă Miđai 80 thun mut ping gah lĕ ơi Nguyễn Đức Chung 102 thun, ƀơi plơi Vạn Thọ, să Vạn Phú, hăng yă La Thị Hoa, 97 thun, ƀơi ƀut plơi 9, phường Tích Lương.
Ƀơi hơdôm anih nao čuă, Đại tướng Phan Văn Giang pơsit, Miđai 80 thun mut ping gah jing bruă jŭ yap, pơpŭ kơ thun blan gir run mă bruă, tuh rơyuh pran jua ngă bruă mơ̆ng rim čô mơnuih ping gah, laih dong jing tơlơi pơ-ư pơ-ang mơ̆ng sang anŏ, phung wang, kơnung djuai, plơi pla hăng khul ping gah amăng plơi pla. Đại tướng čang rơmang ƀing ơi ƀing yă mơnuih ping gah hiam drơi jăn, pơtrut tui pran jua ngă hơkrŭ, kjăp bruă kơđi čar, jing kơnuih bang bơngač kiăng ƀing khua, mơnuih ping gah, biă ñu lĕ hlăk ai hrăm hăng hla tui./.
Viết bình luận