Tơlơi pơhing ƀơi mông jơnum, amăng 9 blan thun 2026, prăk mơ̆ng tač rơngiao tuh pơ alin ƀơi Việt Nam rơbêh kơ 50 klai USD, đĭ rơbêh kơ 76% pơhmu hăng tơđar thun 2025. Hăng 15 boh tơring čar, ƀon prong gah Dơnung, prăk mơ̆ng tač rơngiao tuh pơ alin rơbêh kơ 22 klai USD hăng 1.830 kơčăo bruă phrâo.

Kiăng pơhưč, čơkă prăk tuh pơ alin mơ̆ng tač rơngiao, Ding jum prăk kăk hăng pô pơ ala anom bruă kơnuk kơna mơ̆ng hơdôm boh tơring čar kual Dơnung tŭ ư tui jơlan gah: prăp lui mơnuih mă bruă rơguăt amăng bruă mă yua măi mok yom; prăp lui anih anom, sang bruă, apui lơtrik či pơkra gơnam; sem lăng ngă hrŏm pơtô pơjuăt kiăo tui tơlơi rơkâo mơ̆ng sang bruă bơwih ƀong tač rơngiao...Amăng anun, plih mơ̆ng pơhưč prăk tuh pơ alin hơdai pơđĭ tui anŏ klă, tŭ yua bruă mă hăng bang hyu prong hloh bruă tuh pơ alin mơ̆ng tač rơngiao djơ̆ hăng Hră pơtrun mrô 10 mơ̆ng Ding jum kơđi čar kơ đĭ kyar bơwih ƀong huă hơmâo prăk tuh pơ alin mơ̆ng tač rơngiao hăng hơdôm hơdră ngă bruă amăng Hră pơtrun 280, mơ̆ng Kơnuk kơna./.