Đĭ pơhiăp amăng mông jơnum ngui, Khua git gai Ping gah, Khua mir sir ơi Tô Lâm rơkâo kiăng tŏ tui pran gơgrong mơng Jơnum min djop djuai ania mơnuih mơnam, hơdôm khul grup ding kơna, tơring đăo hăng mơnuih arăng đăo gơnang amăng bruă hơkrŭ kjăp pran gum pơgôp mơng ƀon lan. Amăng anun, jơnum min djop djuai ania kiăng jê̆ giăm, thâo hluh, ngă klă tơlơi glăm ba pơtum pơƀut hăng lăi pơthâo tơlơi čang rơmang sit nik mơng mơnuih ƀôn sang.

Khua git gai Ping gah, Khua mir sir ơi Tô Lâm čang rơmang ƀing kŏm tui đăo, ơi yơng yă phơ̆t hăng mơnuih arăng đăo gơnang tŏ tui pran ngă bruă hiam klă mơng ƀing gơñu amăng pơtô brơi tơlơi hơdip hiam klă, pơsur hrăm hră, pơsir kơđi, bruă djru mơnuih hăng tơkuh nao rai amăng plơi pla. Khua git gai Ping gah, Khua mir sir brơi thâo hơdôm tơlơi pơčeh hrŏm kơplah wah djop djuai ania, tơring đăo kăng hơmâo tơlơi pơsur, kiăng pran gum pơgôp jai hrơi kjăp phik hluai tui hơdôm bruă gum hrŏm, hơdôm tơlơi glăm ba djru tơdruă.