Jơnum ngui ƀơi plơi Têng thun anai pơmut hrŏm hrơi gru grua Việt Nam 2026. Amăng hrơi jơnum ngui, neh met wa hơmâo pơlăi nao rai bruă pơjing tơlơi hơdip hiam klă, tŏ tui pran gum pơgôp amăng plơi pla. Laih dong, sa, dua boh sang anŏ rơkâo pok pơhai dong hơdôm hơbô̆ bruă ngă ba glăi tŭ yua kiăng mơnuih ngă hmua, ƀing đah kơmơi hăng hlăk ai hơmâo dong tơlơi dưi đĭ tui prăk pơhrui mơng plơi pla mơtăm.

Amăng mông jơnum ngui, Khua Jơnum min mơnuih ƀon sang tơring čar Gia Lai ơi Phạm Anh Tuấn rơkâo neh met wa ƀơƀrư̆ pơplih mơng bơwih ƀong anet hơdai nao pơlir hăng anom bơwih ƀong hrŏm, anom bruă sĭ mơdrô kiăng dưi pơlir hăng bruă pơkra hăng blơi pơhrui gơnam đang hmua; hăng pơtă gưl Ping gah, gong gai să Biển Hồ kiăng tŏ tui pơgiong anih anom jơlan glông, pơsur neh met wa wai pơgang jum dar, djă pioh gru grua čing hơgor hăng pơhlôm pơgang rơnuk rơnua.