Tơdơi kơ hmư̆ lăi pơthâo hăng pơgôp hiăp mơ̆ng lu sang bruă ngă tui, grup hyu mă bruă hơmâo pơblang tong ten, pơtô brơi hơdră pơsir tơlơi tơnap tap, anŏ gun lơ̆m pok pơhai ngă tui. Lăng yom kơ boh tơhnal ngă tui Hră klah čun mrô 107 tơring čar Dak lak pok pơhai mơ̆ng anai pơ klôn, ơi Hà Minh Hải, Kơ-iăng khua anom pơphun bruă mă ping gah dêh čar, čih pioh tơlơi gir run, bơni kơ tơring čar hơmâo ngă djơ̆ tơlơi pơtrun, biă mă ñu hơdôm sang bruă, gong gai plơi pla hơmâo ruah lông ngă tui hlâo.

Kiăng pok pơhai ngă tui Hră klah čun mrô 107 thun blan pơ anăp, tŭ yua lu hloh tui hăng gơnong dlông kiăng, Kơ-iăng khua anom pơphun bruă mă ping gah dêh čar rơkâo, khom kiăo tui anŏ pơkă, hrơi blan pok pơhai hăng khom pơhlom ba anŏ tŭ yua hiam čih pioh pơmut ba mrô hăng lăi pơthâo. Abih bang hră lăi pơthâo hnang blung čih pioh mrô rơnoh, pioh lăng kơ anun kiăng čih pơkra dăp hơdra bruă či ngă kơ abih bang, laih anun lăi pơthâo tum teč čih pioh amăng hră anun či giong tal rơnuč.