Khua ping gah, khua mir sir lăng yom lu bruă mă tuh pơ alin, sĭ mơdrô, ba glăi boh tŭ yua klă mơ̆ng djop group, anom bruă mơdrô mơ̆ng Japan mă bruă ƀơi Việt Nam hơdôm thun laih rơgao. Khua ping gah, khua mir sir rơkâo, djop group anom sĭ mơdrô pơprong dêh čar Japan, ƀu kơnong pok prong bruă sĭ mơdrô pơkra ming gơnam mơdrô đôč ôh, dŏ jing bơnah ngă hrŏm, đăo kơnang sui thun hrŏm hăng Việt Nam pơđĭ kyar jơlan glông, atur bruă tuh tia pơkra ming hăng măi mok, apui yua, anih bơwih ƀong huă sĭ mơdrô tơpă hăng hơdjă rơgoh lu anom bruă, lu mơta gơnam hăng rơnoh phrâo ƀơi Việt Nam.

Khua ping gah, khua mir sir brơi thâo, Việt Nam hlăk yak nao amăng črăn pơđĭ kyar phrâo, khut khăt ngă tui tơhnal pơkă kiăng jing lơ̆n ia pơđĭ kyar, pơblih yua mrô, pơgang anŏ mơtah mơda, ba yua boh thâo ia rơgơi hăng pơđĭ tui tơlơi kơtang pơhno gơnam sĭ mơdrô hăng dêh čar pơkŏn. Việt Nam amra čih pơkra tơlơi phiăn djơ̆ găl, pơblih kiăng pơhưč tuh pơ alin sĭ mơdrô; pơhlom hơđong tơlơi bơwih ƀong huă, pơgang ba boh tŭ yua djơ̆ găl kơ mơnuih ƀôn sang hăng khul ngă bruă sĭ mơdrô mơ̆ng jar kmar hlăk mă bruă bơwih ƀong huă sui thun ƀơi Việt Nam.