Khua ping gah, Khua mir sir ơi Tô Lâm tŭ jum Khua khul apăn bruă Ping gah dêh čar Japan Shii Kazuo
Thứ tư, 13:43, 11/11/2026
VOV/Siu H'Mai pơblang
VOV/Siu H'Mai pơblang
VOV.Jarai - Amăng tal nao čuă sit nik dêh čar Japan, tom brơi (kơnôl 10/11), ƀơi plơi prong jưh jom Tokyo, Khua ping gah, Khua mir sir ơi Tô Lâm tŭ jum Khua khul apăn bruă Ping gah Cộng sản Japan, ơi Shii Kazuo.
Ƀơi mông pơbưp, Khua ping gah, Khua mir sir ơi Tô Lâm brơi thâo, Việt Nam čang rơmang pơtui tui klă hiam hloh tơlơi rô nao rai hăng Japan; ngă hrŏm dua ping gah, dua kơnuk kơna.
Pơ anăp, Khua ping gah, Khua mir sir ơi Tô Lâm čang rơmang dua ping gah jơnum nao rai, pơčrông sai bruă mă ƀơi djŏp gưl, djru nao rai tơdruă ƀơi mông jơnum lu bơnah ping gah, pok pơhai tŭ yua bruă pơčrông sai re se tơlơi pơtô djơ̆ bruă kơđi čar; čang rơmang Ping gah Cộng sản Japan dong yua dua boh dêh čar ngă hrŏm amăng hơdôm bruă phrâo, dưi pơhiăp tom hăng Kơnuk kơna Japan đah mơ̆ng ngă gêh găl pơjing rai anih mă bruă bơkơnar, tŭ yua kơ mơnuih ƀon sang Việt Nam glăk dŏ mă bruă ƀơi Japan./.
Viết bình luận