Khua pơ ala mơnuih ƀôn sang dêh čar pơčrâo rơđah tơlơi pơmin, anŏ kiăng thâo hluh lĕ: bruă glăm ba jing phun, bruă jao ngă  hăng pơmut ngă bruă sit nik lĕ boh tơhnal khom ngă. Ƀu dưi lăng nao kơ anŏ či kiăng mơnuih mă bruă pơmut djop mrô ƀudah kiăng pơhrua tañ djop mơnuih mă bruă mơ̆ pơblih pơhrua, jao glăi glăi bruă mă plah wah hơdôm sang bruă amăng kơnuk kơna.

Rĭm mơta bruă mă kơnong hơmâo sa anih pơtruh nao rai bruă mă laih anun khom glăm ba truh rơnuč, ƀu dưi ngă pơrơkua nao rai, ƀu lui hong soh sel bruă mă. Ƀơi mông jơnum anai, Jơnum min apăn bruă phun pơ ala mơnuih ƀôn sang dêh čar tŭ ư pơsit hĭ Hră pơtrun mrô 71 kơ bruă mă, tơlơi dưi, bruă glăm ba hăng hơdră pơphun bruă mă mơ̆ng Khul djuai ania, djop jơnum min amăng gơnong bruă pơ ala mơnuih ƀôn sang dêh čar.