Tơring čar Lâm Đồng ră anai hơmâo 100 khul anom bruă ping gah ƀơi sang hră gưl prong, sang hră hrăm ngă nai, gưl ƀrô, sang hră gưl klâo hơmâo abih bang 5000 čô mơnuih ping gah; 138 anom bruă khul ping gah amăng ƀut bơwih ƀong huă, ngă bruă mơdrô yua mơnuih ƀôn sang ngă pô hăng giăm 1.750 čô mơnuih ping gah.

Mơ̆ng blan 7/2025 truh ră anai, Lâm Đồng hơmâo pơmut 878 čô mơnuih ping gah jing čơđai sang hră gưl klâo, čơđai sang hră gưl prong hăng 185 čô mơnuih ping gah amăng kual bơwih ƀong huă, sĭ mơdrô yua mơnuih ƀôn sang ngă pô. Ƀơi mông jơnum, ƀing khua mua hơmâo pơčrong sai tơlơi thâo thăi, tom găn rơgao amăng bruă mă, rơkâo pơtô hrăm mơnuih apăn bruă tơdơi adih kơ ƀing čơđai sang hră gưl klâo hăng gưl prong; hơdai gum hrŏm khua mua sang hră hăng gong gai plơi pla; pơblih phrâo hơdră pơđĭ kyar amăng sang bruă ping gah, mơnuih ping gah amăng sang bruă mơdrô yua mơnuih ƀôn sang ngă pô.