Ƀơi mông ngă lơphet, pơ ala kơ khua mua Ping gah, Kơnuk kơna, Khua dêh čar ơi Lê Minh Hưng brơi Miđai mă bruă mrô Sa kơ Sang hră gưl prong pơtô bruă Bơwih ƀong Dêh čar yua rơgơi mơbruă kơsem min boh thâo, jao glăi boh thâo phrâo hăng pơtô pơjuăt mơnuih mă bruă rơgơi, gum pơgôp đĭ kyar bơwih ƀong huă - mơnuih mơnam mơ̆ng lŏn ia. Khua dêh čar ơi Lê Minh Hưng bơni kơ hơdôm tơlơi gum pơgôp mơ̆ng sang hră kơ bruă pơtô hrăm hăng đĭ kyar bvơwih ƀong huă - mơnuih mơnam mơ̆ng lŏn ia.

Amăng rơnuk phrâo, Khua dêh čar jao kơ sang hră pơƀut pơtô pơjuăt brơi mơnuih rơgơi, mơnuih mă bruă rơgơi, hơdai pơtô pơjuăt tui hăng tơlơi kiăng mơ̆ng lŏn ia ta, pơƀut hrŏm ia rơgơi ană mơnuih pơčeh phrâo (AI), boh thâo ia rơgơi mrô, hăng pơtô kiăng kjăp tơlơi pơmin mă bruă, kiăo tui tơlơi phiăn. Ƀrô hrơi pơpŭ kơ ƀing nai pơtô Việt Nam pơ anăp, Khua dêh čar bơni hơ-ơč kơ ƀing nai, ƀing kơhnâo boh thâo ia rơgơi, ƀing khua, mơnuih mă bruă, abih bang čơđai amăng sang hră Gưl prong pơtô bruă bơwih ƀong dêh čar hiam drơi jăn pran jua, yâo mơak, mă bruă truh kih.