Amăng mông bưp, Khua git gai Ping gah, Khua mir sir ơi Tô Lâm hăng bơnai ñu pơlăi nao rai hơdôm bruă pơbưp gru grua amăng tal nao čuă kah hăng tơlơi hrup kơ pran hơdip hăng gru grua mơng dua boh dêh čar. Khua git gai Ping gah, Khua mir sir ơi Tô Lâm lăi pơtong dua boh dêh čar hơmâo lu tơlơi dưi pơtrut ngă hrŏm amăng bruă pơtô pơjuăt, pơhlôm mơnuih mă bruă rơgơi, bruă ia jrao, gru grua, tuai čuă ngui, ngă hmua pơ anăp anai.

Ƀrô tal anai, Khua git gai Ping gah, Khua mir sir ơi Tô Lâm pơ ala brơi Ping gah, Kơnuk kơna hăng mơnuih ƀôn sang Việt Nam jak iâu ơi pơtao Naruhito hăng bơnai ñu prap rơmet rai čuă jơmư dêh čar Việt Nam ƀrô tal ngă lơphet hơdor glăi 55 thun akŏ pơjing tơlơi rô nao rai pơtom hiăp Việt Nam-Japan amăng thun 2028; pơsit tong tal rai čuă amra jing tơlơi yôm phăn hơmâo mơnuih ƀôn sang dua bơnah dŏ tơguăn.