VOV.Jarai-Blan Čơpăn thun 1945, rơbêh 20 klăk čô mơnuih ƀôn sang amăng dêh čar ha pran jua tơgŭ đĭ, ba truh hơmâo boh tŭ yua tơlơi hing ang Hơkrŭ blan Čơpăn, hlong pơ anăn kơ lơ̆n ia Việt Nam Dân chủ Cộng hòa. 81 thun laih rơgao, pran jua tơlơi hơkrŭ anun ƀu pơdơi ôh tŏ tui: mơ̆ng bruă sua mă gng gai kơnuk kơna truh kơ bruă akŏ pơdong glăi gong gai phrâo, mơ̆ng bruă pơklaih rơngai djuai ania truh kơ bruă râo pơdưh tơlơi pơčeh phrâo, man pơdong Việt Nam kơtang hmư̆ hing, pơdrong sah. Tơdah thun 1945 “Tơgŭ hơkrŭ” tơgŭ đĭ sua glăi tơlơi rơngai đôč, ră anai,anun lĕ pran jua pơblih phrâo, khin đĭ juă war pơga ngă gun, ba lơ̆n ia ta mut nao amăng rơnuk hrưn đĭ phrâo.

VOV.Jarai - Pơ hơdôm kual ataih yaih, plơi pla djuai ania ƀiă, guai dêh čar mơ̆ng Dak Lăk, bruă prăp lui kơ thun hrăm phrâo ƀu kơnong jing pơkra sang hră, anih hrăm đôč ôh, ăt jing bruă ba rim čô čơđai nao pơ sang hră, gir bong glăi ƀing čơđai hăng anih hrăm. Hăng hơdôm sang anŏ tơnap tap, kơƀah lu mơta, bruă gum djru mơ̆ng ƀing nai pơtô hơmâo ngă hăng bruă anet mơn samơ̆ yom kah hăng brơi hră, gai čih, truh kơ rơdêh đĭ.

VOV.Jarai-Ring bruă man pơdong sang hră đôm lăm dua gưl ƀơi să Ia Puč giăm guai dêh čar, tơring čar Gia Lai hlăk ngă pơgiong djop anih hrăm, sang dŏ laih anun pơhiam hĭ lan sang hră, kiăng hmao kru truh hrơi jơnum mut thun hrăm phrâo khom giong abih bang.

VOV.Jarai-Kơnôl 27/8, grup hyu mă bruă mơ̆ng Ding jum prăk kăk hơmâo mông mă bruă hăng Jơnum min mơnuih ƀôn sang tơring čar Quảng Ngãi kơ bruă pơđĭ kyar bơwih ƀong huă mơnuih mơnam tơring čar anai.

VOV.Jarai-Tlam kơnôl 27/8, ƀơi sang bruă kơnuk kơna, Khua dêh čar ơi Lê Minh Hưng tŭ jum khua anih jưh pơ ala, khua pơ ala djop anom bruă hơdôm dêh čar kual ASEAN nao mă tơngan hăng ñu.

VOV.Jarai - Jơnum min mơnuih ƀôn sang tơring čar Dak Lăk ngă hră tŭ ư laih kơ Kông ti pơčruh ngăn đĭ kyar apui yua phrâo Nam Việt Phú Yên man pơdong Sang măi apui lơtrik pơkĕ jua angin pơđuăi apui 48MW, prăk ngă bruă giăm 1.460 klai prăk.

VOV.Jarai - Tlam kơnôl 27/8, ƀơi Sang bruă Ping gah, Khua ping gah, Khua mir sir ơi Tô Lâm git gai mông ngă bruă hăng Khul pơphun bruă Ping gah hăng hơdôm anom bruă bơdjơ̆ nao, pơgôp hiăp kơ Akŏ bruă pơtrut tui, akŏ pơdong pơplih klă tui Ping gah hăng abih bang anom bruă kơđi čar mă bruă klă, tơpă sit, kjăp kơtang amăng abih bang bruă, tui hăng tơlơi kiăng mơ̆ng lŏn ia ta amăng rơnuk phrâo.

VOV.Jarai - Mơguah kơnôl 27/8, Khua anom pơtô bruă Ping gah ơi Trịnh Văn Quyết nao brơi Miđai 80 thun Ping gah kơ 3 čô mơnuih ping gah ƀơi tơring čar Thanh Hoá.

VOV.Jarai - Khul mă bruă mơ̆ng Jơnum min mơnuih ƀôn sang tơring čar Dak Lăk pel ĕp dua kơčăo bruă akŏ pơdong plơi prong akŏ phun ƀơi phường Tân An.

VOV.Jarai-Jơnum hơdor glăi 81 thun Hrơi hơkrŭ Blan čơpăn tŭ yua hăng Hrơi akŏ pơdong kơnuk kơna lơ̆n ia kơnôl 2/9, mơguah kơnôl 27/8, ƀơi Hà Nội, Khua git gai pơ ala mơnuih ƀôn sang dêh čar ta ơi Trần Thanh Mẫn, nao jơnum hrŏm lăi pơthâo hơdrôm hră anăn “Pran kơtang mơ̆ng djuai ania Việt Nam amăng bruă man pơdong hăng pơgang Lơ̆n ia” mơ̆ng khua tơhan krên dên ơi Lương Cường, Khua hơđăp mir sir Lơ̆n ia Cộng hoà xã hội chủ nghĩa Việt Nam.