Đại tá Hoàng Hồng Bàn glăk jơnum amăng Grup ping gah ƀut plơi 12, Ping gah phường Tân Bình, ƀon prong Hồ Chí Minh. Ƀơi mông ngă lơphet brơi miđai, Khua ping gah ƀon prong Hồ Chí Minh ơi Trần Lưu Quang tơña bla tơlơi suaih pral, bơni hơ-ơč kơ Đại tá Hoàng Hồng Bàn, kiăng hiam drơi jăn, hơdip sui, jing kơnuih hiam kơ rơnuk tơdơi hrăm, hla tui. Ñu pơsit, Miđai 80 thun ping gah jing anŏ pơpŭ yom biă mă, tŭ yap bruă pơyơr pran jua tuh rơyuh, ai hơtai, ha pran hăng Ping gah, hăng mơnuih ƀon sang mơ̆ng sa čô mơnuih ping gah.

Đại tá Hoàng Hồng Bàn tơkeng thun 1927, plơi pơ ƀon prong Hải Phòng, ngă hơkrŭ lŏn ia mơ̆ng tơdăm, kjăp tơlơi pơmin pran jua amăng khul ling tơhan, laih anun hơmâo ngă lu bruă gah tơhan sŭ hluă, pơtŏp hrăm rơguăt bruă. Amăng thun blan mă bruă, ñu hơmâo mă lu tơlơi apah bơni yom kah hăng Miđai Ling tơhan djru bruă prong tal Dua, Miđai Blah ayăt rơgơi tal Sa hăng tal Klâo, hrŏm hăng lu miđai pơkŏn dong.