Tal nao čuă anai kiăng hơkrŭ glăi tơlơi rô nao rai kjăp phik, đăo gơnang kơplah wah khua mua pơprong hăng Ƀirô Khua pơ ala mơnuih ƀon sang dua boh dêh čar amăng rơwang phrâo; laih dong tŏ tui tơlơi gơgrong mơng ƀirô khua pơ ala mơnuih ƀôn sang, pơtrut ngă hrŏm dua bơnah jai hrơi sit nik, tŭ yua. Tơlơi rô nao rai Việt Nam-Lao tŏ tui hơmâo hơbôr đĭ hluai tui tơlơi ngă giang mah hing ang, gum pơgôp yôm phăn, ngă hrŏm djop mơta hăng pơlir nao rai sui thun. Ngă hrŏm bơwih ƀong huă, sĭ mơdrô hăng tuh pơ alin kơplah wah dua boh dêh čar hơmâo lu tơlơi pơplih phrâo.

Amăng 7 blan akŏ thun 2026, Việt Nam hơmâo dong 20 akŏ bruă tuh pơ alin pơ dêh čar Lao, hăng abih tih prăk mă yua rơbêh 638 klăk đôlar Mi, đĭ tui abih tih prăk tuh pơ alin tui jŭ yap lĕ 7 klai đôlar Mi. Amăng hơdôm hrơi nao čuă, dua bơnah amra pơlăi nao rai tơlơi găn rơgao amăng čih pơkra tơlơi phiăn, krăo lăng, gum hrŏm pok pơhai hơdôm tơlơi pơkôl gưl prong, pơsir hĭ tơnap tap amăng ngă hrŏm bơwih ƀong huă-mơnuih mơnam; laih dong pơtrut kơtang gum hrŏm amăng hơdôm mông jơnum khua pơ ala mơnuih ƀôn sang amăng kual hăng jar kmar, pơgôp hrưn đĭ pran gơgrong, kơdrưh ang mơng dua ƀirô Khua pơ ala mơnuih ƀon sang dêh čar.