Dak Lak klơi rŭ đĭ per tơlang tơhan đah kơmơi klon dua tal amăng jao
Thứ ba, 14:50, 03/11/2026
VOV Tây Nguyên/Siu Đoan Pơblang
VOV Tây Nguyên/Siu Đoan Pơblang
VOV.Jarai-Ƀơi kual Gò Bến Đá, plơi Mỹ Thành, să Hòa Mỹ, Grup K51, Anom bruă git gai ling tơhan tơring čar Dak Lak gum hrŏm hăng gong gai ƀon lan pơphun klơi rŭ đĭ sa per tơlang tơhan đah kơmơi tơdơi kơ giăm 60 thun djai pơsăn drơi.
Per tơlang tơhan klon dua tal amăng jao, hrŏm hăng lu gơnam yua anun lĕ boh tơmleč, akha voan hăng kơset. Tui arăng lăi pơthâo, thun 1966, pô đah kơmơi anai rơka yua djơ̆ boh ƀom, hơmâo ba nao pơjrao ƀơi Sang ia jrao Suối Đá samơ̆ ƀu dưi ôh. Tơdơi anun, arăng ba dor hlao pơ kual anai.
Mơng hơduah ĕp tơlơi lăi pơthâo hăng hơdôm gơnam hơmâo ĕp ƀuh, ling tơhan pơsit tong anai lĕ per tơlang tơhan đah kơmơi aka ƀu thâo anăn krăn pô. Meh tơlang hơmâo mă kiăng ba nao pơčrang ADN. Anai lĕ per tơlang tơhan tal 55 hơmâo grup K51 ĕp ƀuh, klơi rŭ đĭ ƀơi Dak Lak hăng tơring čar Mondukiri, dêh čar Kur amăng hơdră bruă 500 hrơi mlăm.
Viết bình luận