Pơhiăp ƀơi mông jơnum, khua ping gah, khua mir sir rơkâo khom hơmâo tơlơi či kiăng ngă tui khut khăt ba dêh čar Việt Nam jing anih phun kơ logistics, pơgiăng hyu gơnam sĭ mơdrô tŭ yua yom amăng kual hăng ƀơi rŏng lơ̆n tơnah.

Khua ping gah, khua mir sir rơkâo djop ding jum, anom bruă, tơring čar pok pơhai ngă tui sa hnơ̆ng hơdôm bruă mă phun, glăm ba, pơtong rơđah anom bruă pơpă pô git gai, hnơ̆ng či mă bruă, tơlơi glăm ba amăng bruă mă….Amăng anun đing nao pơsir mơtam hơdôm tơlơi gun hăng pơtruh nao rai jơlan glông, ĕp lăng bruă mă sa hnơ̆ng, pơkă hnơ̆ng anih logistics hăng kah pơpha mrô rơnoh. Tui hăng khua ping gah, khua mir sir, tơhnal pơkă lĕ kiăng ba rơnoh prăk logistics djơ̆ hăng rơnoh pơkă dưm dưm amăng kual hăng ƀơi rŏng lơ̆n tơnah, pơđĭ tui boh tŭ yua bơwih bơwăng, pơđĭ rơnoh sĭ mơdrô gơnam amăng dêh čar hăng pơđĭ tui tơlơi gơgrong ba mơ̆ng Việt Nam amăng khul ngă bruă logistics lơ̆m kual.