Hơdôm akŏ bruă anai pơgôp pơđĭ kyar anih anom, jơlan glông, ĕp brơi bruă mă hăng pơtrut bơwih brơi tuai čuă ngui amăng ƀon lan. Samơ̆, kiăng mă yua klă, hơdôm akŏ bruă anai kiăng pơlir hăng tơlơi rơkâo sit nik mơng anih mă yua, anăm čang rơmang đĭ nua kông ngăn. Amăng mông jơnum kơ bruă sang, lŏn bơwih brơi tuai čuă ngui phrâo pơphun ƀơi Gia Lai, ƀing kơhnâo brơi thâo, tơlơi gal tơkuh nao rai kual ia rơsĭ hăng Dap kơdư amra pơƀuh lơm anih anom, jơlan glông hơmâo ngă ha amăng plĕ, hơmâo lu gơnam bơwih brơi tuai čuă ngui hăng hơmâo tuai mă yua hơđong.

Hrŏm hăng anun, kiăng pơgiong tơhnal pơkă djơ̆ tơlơi phiăn, tong ten mơnuih ngă pô, tơlơi gal amăng mă yua lŏn hăng tơlơi dưi mă yua. Bruă wai lăng, mă yua ăt kiăng đing nao, pơhlôm prăk pơhrui, prăk yua răk pioh pơkra ming hăng tuh pơ alin, anăp nao pơđĭ kyar hơđong kjăp.