Kơnôl 1/11, kiăo tui tơlơi pơhing mơ̆ng mơnuih ƀon sang, Grup tơhan K51, Sang bruă khua tơhan tơring čar Dak Lăk ngă hrŏm hăng tơhan blah ngă hăng gong gai dêh čar Kur, hyu ĕp, rŭ đĭ 2 per tơlang tơhan djai pơsăn drơi giăm čroh ia Ô Tôi hăng Đăk Đam, tơring čar Mondulkiri. Amăng anun, amăng čroh ia Ô Tôi, ling tơhan hơmâo ĕp ƀuh 1 per tơlang tơhan hrŏm hăng lu gơnam dor hrŏm mơ̆ng ling tơhan Việt Nam. Ƀơi čroh ia Đăk Đam, grup tơhan hơmâo ĕp ƀuh 1 per tơlang hrŏm hăng gơnam dor hrŏm atâo kah hăng tơamleč ao, kơtok ia jrao penicillin, gai čih, hăng kơđul tơkhŏ. Dua per tơlang tơhan hơmâo djă glăi răk pioh klă hăng tŭi ñang.
 

Tơdơi kơ giăm 2 blan ngă bruă bơyan phang 2026-2027 ƀơi dêh čar Kur, Grup tơhan K51 hyu ĕp, rŭ đĭ 10 per tơlang tơhan djai pơsăn drơi. Mah dŏ lu anŏ tơnap kơ kual lŏn, čư̆ siăng, glai rưng, ayuh hyiăng ƀu lăp, wơ̆t hăng tơlơi hmư̆ hing, samơ̆ ƀing khua, ling tơhan ăt gir hyu ĕp, djru ba glăi ƀing tơhan djai pơsăn drơi, mơnuih kơhnâo rơnuk blah ngă đưm hăng ling tơhan djru blah mơ̆ng Việt Nam djai pơ lŏn ia Kur dưi glăi pơ anih amĭ dor la ama dor sok./.