Yang hrơi mơguah, ƀing khua pơčrông sai kơ Tơlơi phiăn čih pơkra, pơhrua tui hơdôm tơlơi mơ̆ng Tơlơi phiăn tuh pơ alin hăng Tơlơi phiăn pơyơr, pơtlep čơđeh asar, anŏ yom amăng drơi jăn ană mơnuih ta kah hăng hơtai boh, boh ƀleh, laih anun pơyơr, mă drơi jăn atâo djai (čih pơkra glăi). Khua ding jum prăk kăk hăng Khua ding jum Ia jrao amra pơthâo brơi tong ten hơdôm tơlơi mơ̆ ƀing khua pơđing hmư̆. Či tlam, ƀing khua pơčrông kơ Tơlơi phiăn Luật sư jing Mơnuih thâo kơđi hăng Tơlơi phiăn rông ană arăng (čih pơkra glăi); Khua ding jum wai lăng Tơlơi phiăn lăi pơthâo glăi djŏp tơlơi pơgôp hiăp mơ̆ng ƀing khua.

Amăng rơwang hrơi tơjuh anai, ƀing khua ăt sem lăng lu tơlơi phiăn gah bơwih ƀong, prăk hơmâo mơ̆ng kơnuk kơna, prăk jia, rơnuk rơnua, ayuh hyiăng, apui lơtrik hăng wai lăng mơnuih mơnam. Laih dong, ƀing khua pơčrông sai kơ bruă tuh pơ alin Jơlan hơdră dêh čar pơgang, pơkơdong glăi mơnuih ngă soh rơwang thun 2026-2035 hăng hơdôm tơlơi yom pơkŏn dong. Him lăng, mơguah hrơi năm, ƀing khua pơsit mă yua Hră pơtrun đĭ kyar bơwih ƀong huă - mơnuih mơnam thun 2027./.