VOV.Jarai-Mơguah tom brơi (22/4), ƀơi Ƀirô Kơnuk kơna, Khua dêh čar ơi Lê Minh Hưng git gai mông mă bruă hăng Ding jum sĭ mơdrô hăng tuh tia pơkra ming kơ bruă pok pơhai hơdôm bruă jao amăng thun 2026.

VOV.Jarai - Tlam lơ 21/4, Khua git gai Ping gah, Khua mir sir ơi Tô Lâm git gai mông ngă bruă hăng Khul khua apăn bruă phun ping gah tơring čar Hà Tĩnh kơ boh than ngă bruă kơđi čar, pok pơhai hơdôm tơlơi pơtrun mơ̆ng Gơnong dlông hăng jơlan ngă bruă akŏ phun đĭ kyar mơ̆ng tơring čar pơ anăp.

VOV.Jarai - Khul khua apăn bruă phun Ping gah tơring čar Dak Lăk Jơnum tum pơƀut glăi bruă hơmâo ngă tui Tơlơi pơtrun mrô 36 mơ̆ng Kơnuk kơna, pơtŏng glăi boh than ba glăi bruă đĭ kyar bơwih ƀong mơ̆ng ia rơsĭ.

VOV.Jarai-Kiăng wai pơgang tong ten bruă mă akan hơdan, pơgang boh tŭ yua sui thun kơ mơnuih hyu mă akan hơdang, Jơnum min mơnuih ƀôn sang tơring čar Lâm Đồng phrâo akŏ pơjing Grup hyu mă bruă, ngă hrom lu gơnong bruă pơtô lăi anăm ngă soh tơlơi phiăn mă akan hơdang, bruă ngă ƀu lăi pơthâo djơ̆ hăng tơlơi pơkă IUU amăng tơring čar.

VOV.Jarai-Ƀơi tơring čar Hà Tĩnh, anom bruă ping gah, khul pơ ala mơnuih ƀôn sang tơring čar, Jơnum min djop djuai ania mơnuih mơnam Việt Nam tơring čar Hà Tĩnh pơphun jơnum prong biă mă hơdor glăi tal 120 thun Hrơi tơkeng kơ khua ping gah hơđăp rơgom ơi Hà Huy Tập lơ 24/4/1906-lơ 24/4/2026, Khua git gai ping gah, khua mir sir ơi Tô Lâm nao jơnum hăng hơmâo tơlơi pơhiăp amăng mông jơnum.

VOV.Jarai-Tŏ tui jơnum lok blung a, lơ 21/4, Khua pơ ala mơnuih ƀôn sang dêh čar tŏ tui pơčrông sai ƀơi sang jơnum lăng glăi, pơhrua boh than ngă tui akŏ bruă pơđĭ kyar bơwih ƀong huă-mơnuih mơnam hăng sang bruă prăk kơnuk kơna thun 2025; bruă ngă tui akŏ bruă pơđĭ kyar bơwih ƀong huă-mơnuih mơnam hăng ngăn drăp kơnuk kơna hơdôm blan akŏ thun 2026, akŏ bruă pơđĭ kyar bơwih ƀong huă-mơnuih mơnam 5 thun 2026-2030; ngă tui bruă pơkrem, pơgăn yua kông ngăn pơrai khưi khưi thun 2025; bruă ngă tui hơnong pơkă dêh čar kơ bơkơnar đah rơkơi đah kơmơi thun 2025.

VOV.Jarai - Tlam lơ 20/4, ƀơi Hà Nội, Khua git gai Ping gah, Khua mir sir ơi Tô Lâm nao hmư̆ hăng git gai mông bưp ƀing khua pơ ala mơnuih ƀôn sang dêh čar tal XVI jing mơnuih djuai ania ƀiă.

VOV.Jarai - Khul pơlir hơbit Anom ngă ƀong hrŏm Việt Nam phrâo pơphun Jơnum anom ngă ƀong hrŏm Dêh čar 2026 hăng akŏ bruă “Pơtruh bơwih ƀong huă ngă hrŏm hăng anih bơwih ƀong mơnuih ƀôn sang ngă pô” ƀơi Hà Nội. Bruă pơtruh hăng anih bơwih ƀong huă mơnuih ƀôn sang ngă pô hơmâo lăng jing hơdră yom biă mă kiăng anom ngă ƀong hrŏm dưi pơhno, bơkơtưn kơtang hloh, pơplih hơdeč tui anih sĭ mơdrô, ƀơ ƀrư̆ akŏ pơjing rơnoh yom hơđong, pơđĭ tui prăk pơhrui kơ mơnuih ngă hmua dêh čar ta.

VOV.Jarai-Mơguah tom brơi, 20/4, ƀơi Ƀirô mă bruă, Jơnum min apăn bruă Khua pơ ala mơnuih ƀôn sang dêh čar jơnum pơgôp hiăp kơ črăn tơlơi phiăn čih pơkra glăi, pơhrua sa, dua črăn amăng tơlơi phiăn mă jia mơng prăk pơhrui rĭm čô mơnuih, tơlơi phiăn mă jia kơ sĭ mơdrô gơnam tam, tơlơi phiăn mă jia pơhrui mơng sĭ mơdrô hăng tơlơi phiăn mă jia mơng prăk pơhrui yôm phăn.

VOV.Jarai-Mơguah lơ 20/4, ƀơi anom bruă Kơnuk kơna, Kơ-iăng khua dêh čar ơi Hồ Quốc Dũng git gai jơnum kơ tơlơi pơhing pok pơhai lăi pơthâo anăn boh thâo ia rơgơi phun hăng gơnam sĭ mơdrô yom hloh mơ̆ng bruă pơkra ming hăng ia rơgơi.