Amăng mông jơnum či mơguah, Khua ding jum kông an, tŭ mă tơlơi dưi jao glăi mơ̆ng khua dêh čar, lăi pơthâo 5 mơta tơlơi phiăn, kah hăng:

Tơlơi phiăn pơhlom hơđong mrô rơnoh; tơlơi phiăn pơgang ring bruă yom pơdjơ̆ nao tơlơi rơnuk rơnua hơđong dêh čar; tơlơi phiăn pơsit anăn pô hăng pơtong glăi amăng plang điện tử; tơlơi phiăn čih pơhrua glăi hơdôm mơta tơlơi amăng tơlơi phiăn wai lăng, mă yua phao kơtuang, boh pơtuh, gơnam djru ba gah ling tơhan, bruă pơhlom pơgang apui ƀong sang hăng djru pơklaih mơnuih mơnam ƀơi mông ječ ameč; tơlơi phiăn pơsir ngă soh glăi amăng bruă ngă hră pơar hăng đŭ prăk. Ƀing khua mua ăt hmư̆ lăi pơthâo bruă pơtong glăi lu mơta tơlơi phiăn tui hăng jơlan hơdră pơkă amăng mông jơnum. Tŏ tui dơ̆ng, ƀing khua mua pơ ala mơnuih ƀôn sang dêh čar jơnum bơkơtuai ƀơi sang jơnum prong, kơ tơlơi phiăn pơkă rơnoh; laih anun pơčrong sai ƀơi grup kơ hơdôm tơlơi phiăn pơkŏn dơ̆ng.