Čih pơkra tơlơi phiăn pơhlôm pơgang, prah apui: Anăm jao bruă mơ̆ kơƀah ngăn rơnoh
Thứ ba, 07:00, 27/10/2026
VOV/Siu Đoan Pơblang
VOV/Siu Đoan Pơblang
VOV.Jarai-Tŏ tui jơlan hơdră Jơnum lok 2, Khua pơ ala mơnuih ƀon sang dêh čar tal 16, mơguah kơnôl 26/10, Khua pơ ala mơnuih ƀon sang dêh čar pơčrông sai ƀơi grup kơ hơdôm črăn tơlơi phiăn bơdjơ̆ nao wai lăng phao kơtuang, boh pơtuh, pơhlôm pơgang, prah apui, mă mơnuih, djru mơnuih hăng wai pơgang hơdôm ring bruă phun amăng pơgang rơnuk rơnua lŏn ia.
Pơgôp hiăp amăng hơdôm črăn tơlơi phiăn, Khua git gai Ping gah, Khua mir sir ơi Tô Lâm lăi pơtong tơlơi rơkâo ngă rơđah ngăn rơnoh, pran ngă tui, tơhnal pơkă djru brơi bruă mă hăng tơlơi glăm ba kơplah wah hơdôm anom bruă. Lơm jao bruă kiăng pơhlôm djơ̆ tơlơi gal ngă tui, kiăng tañ ƀuh tơlơi hŭi rơhyưt, pơgăn hĭ hmao tlôn tơlơi truh sat hăng wai pơgang brơi mơnuih ƀôn sang klă ƀiă.
Kơ bruă wai pơgang ring bruă phun bơdjơ̆ nao pơgang rơnuk rơnua lŏn ia, Khua git gai Ping gah, Khua mir sir ơi Tô Lâm rơkâo pơsit tong ring bruă kiăng wai pơgang, bruă wai pơgang hăng tơlơi gơgrong ngă tui. Laih dong, kiăng pơhrua hơdôm hơdră pơgang bruă pơsuh amăng plang internet, pơgang hrŏm hơdôm ring bruă, anih răk pioh hră pơ-ar hăng anih git gai wai lăng.
Viết bình luận