Tui hăng tơlơi pơčrâo brơi, kơčăo bruă hơmâo ngă mơ̆ng anai truh pơ thun 2035, kah jing dua tal, prăk ngă bruă rơbêh kơ 214 klai prăk. Rơwang mơ̆ng thun 2026-2030, him lăng tuh pơ alin giăm 135 klai prăk či pơkra jơlan amăng plơi pla, jơlan nao pơ hmua; man sang hră muai, sang hră gưl sa, sang ia jrao să, sang jơnum plơi pla hăng sang ngă bruă amăng plơi.

Bruă anai hơmâo prăp rơmet, ngă hơđong brơi 50 boh sang anŏ, pơdong sang, djru brơi nih hmua la đang, rah pơtĕm pơdai ia, añăm pơtăm, hơbơi tơpơi, laih anun djru brơi anah phun pla, djuai hlô rông. Rơwang thun 2030-2035, him lăng brơi nao 79 klai prăk či prăp rơmet, ngă hơđong brơi 50 boh sang anŏ dong, amăng anun hơmâo djru ba sang dŏ, nih hmua la đang hăng đĭ kyar bơwih ƀong huă mơn.