Anih hrăm anai, pok brơi mut hrăm amăng anih pơtô ƀơi sang bruă kông an tơring čar, hăng pơdah amăng tivi pơtruh nao rai hrŏm 124 boh să, phường, anih gong gai phara yua ataih, ƀu dưi truh ƀuh ƀô̆ mơta, dưi hrăm mơ̆ng ataih, pơčrâo ba hơdră pơsir laih anun pơhlom pơgang ƀing čơđai sang hră, arăng pơhŭi amăng internet, tơlơi pơhing mơnuih mơnam.

Ƀơi mông hrăm anai, ƀing nao hrăm hmư̆ tơlơi pơtô ba hơdră kiăng thâo krăn tơlơi ƀing mơnuih soh sat plư pleč,  pơhŭi mơnuih gơñu či plư, kiăng hŭi laih anun ngă tui tơlơi gơñu pơđar brơi ngă. Biă mă ñu, đing nao tong ten kơ ia rơgơi tơlơi kơhnâo ană mơnuih pơjing rai juăt lăi AI, ngă mă rup pơhrôp ƀô̆ mơta arăng, ngă mă tơlơi pơhiăp, anăn păn pô pơkŏn, kiăng mơnuih gơñu plư anun amuñ lê̆ luh, ƀing soh sat juăt pơhŭi kơ čơđai sang hră. Kông an tơring čar Lâm Đồng, lăi pơthâo brơi thâo krăn, ƀuh tañ, djru ba čơđai sang hră anăm ba truh tơlơi hŭi rơhyưt sat răm. Giong hrăm tal anai, lu plơi pla, sang hră ăt pơtô glăi kơ djop khul grup, nai pơtô ƀơi sang hră hăng abih bang čơđai sang hră kiăng thâo tong ten tơlơi arăng plư pleč amăng internet.