VOV.Jarai-Kơnôl 19/8, ƀing tơhan  djop sang bruă kơnuk kơna hơmâo ƀuh 5 bit anih dor tơlang tơleh hăng lu gơnam yua djă pioh pơkŏn mŏng tơhan hơkrŭ, ĕp ƀuh lơ̆m rŭ kuai pơsat tơhan pơsăn drơi ƀơi sang mơnă đưm Thành Diên Khánh.

VOV.Jarai-Tlam kơnôl 19/8, Khua git gai ping gah, khua mir sir ơi Tô Lâm hơmâo mông mă bruă hăng Ding jum Gru grua, Pơrơguăt drơi jăn hăng Tuai čuă ngui kơ bruă djă pioh, răk lui gơnam gru grua đưm dêh čar.

VOV.Jarai - Ƀơi sang jơnum prong tơring čar Gia Lai, phường Quy Nhơn, Ding jum man pơdong ngă hrŏm hăng Jơnum min mơnuih ƀôn sang tơring čar Gia Lai pơphun jơnum “Jơlan pơtruh nao rai - Gêh găl pơhưč tuh pơ alin, đĭ kyar čơkă tuai čuă ngui kual Tong krah - Dap Kơdư”.

VOV.Jarai - Mơguah tom brơi (19/8), ƀơi Sang bruă Kơnuk kơna, Kơ-iăng khua dêh čar ơi Lê Tiến Châu git gai jơnum kơ bruă pơtŏng glăi abih bang hră pơ-ar tơlơi phiăn ƀu djơ̆ pơƀuh hăng mrô jŭ yap ôh, khŏm pơkă hăng hơdră ngă bruă rơđah, pơklaih brơi anŏ aka ƀu hruaih amăng tơlơi phiăn.

VOV.Jarai-Tlam kơnôl 19/8, Khul sầu riêng tơring čar Dak Lak pơphun jơlan hơdră pơbưp, pơlir ngă hrŏm glông sĭ mơdrô sầu riêng Việt Nam-Khač hăng tơlơi mut hrŏm mơng rơbêh 60 anom bruă sĭ mơdrô.

VOV.Jarai - Tlam tom brơi (kơnôl 18/8), ƀơi sang bruă Kơnuk kơna, Khua dêh čar ơi Lê Minh Hưng git gai Jơnum bruă čih pơkra tơlơi phiăn blan 8/2026 pơgôp hiăp kơ 11 mơta tơlơi phiăn hăng 1 hră pơtrun pơdah pơ Khua mua pơ ala mơnuih ƀôn sang ƀơi mông Jơnum lok 2. 

VOV.Jarai - Tơring čar Dak Lăk phrâo pơphun apah bơni kơ ƀing čơđai sang hră, nai pơtô rơgơi ƀơi hơdôm tal pơplông gưl dêh čar, jar kmar thun hrăm 2025-2026.

VOV.Jarai - Mơguah kơnôl 18/8, ƀơi Sang anih jưh pơ ala dêh čar Khač ƀơi Việt Nam, Khua dêh čar ơi Lê Minh Hưng ba jơlan khua mua mơ̆ng ping gah, kơnuk kơna, Jơnum min djŏp djuai ania mơnuih mơnam Việt Nam nao mơyut jôk hăng čih pioh amăng hră nao mơyut rơgŏm ơi Chu Dung Cơ, Ding kơna apăn bruă hơđăp Ding jum kơđi čar Ping gah dêh čar Khač, Khua dêh čar hơđăp dêh čar Khač, phrâo tơ̆i pran.

VOV.Jarai-Mơguah tom brơi (18/8), Khul pơlir đah kơmơi tơring čar Dak Lak pơphun jơnum klah čun, jao pri pơplông mơng ataih kơ bruă pel ĕp tơlơi pơtrun Jơnum Ping gah tơring čar, tơlơi pơtrun Jơnum khua mua Jơnum min djop djuai ania mơnuih mơnam Việt Nam tơring čar hăng tơlơi pơtrun Jơnum đah kơmơi djop gưl, rơwang thun 2025-2030.

VOV.Jarai-Tal hơdor glăi 81 thun hrơi tơgŭ hơkrŭ blan 8 hăng akŏ pơjing kơnuk kơna kơnôl 2/9, tlam kơnôl 18/8, ƀơi Khul tơhan mơgăt rơdêh mrô 102, să Phú Cát, Hà Nội, Khua git gai Ping gah, Khua mir sir ơi Tô Lâm, Khua git gai Ping gah ling tơhan gơnong glông hăng grup hyu mă bruă mơng gơnong glông hơmâo nao čuă hăng mă bruă ƀơi Khul tơhan mơgăt rơdêh mrô 308, Quân đoàn mrô 12, Ding jum ling tơhan.