Khua git gai pơ ala mơnuih ƀôn sang dêh čar brơi thâo, tơdơi kơ rơbêh ha thun mă yua tơlơi phiăn lŏn mơnai thun 2024, sa, dua tơlơi gun kơ bruă dưm dăp, pơkă lăng nua, pơhrui glăi, jao hăng brơi yua apah hơmâo ƀuh, sit biă ñu lĕ amăng hrơi blan pok pơhai gong gai ƀon lan dua gưl. Bruă pơplih pơkra tơlơi phiăn kiăng anăp nao pơjing tơlơi phiăn pơmut hrŏm, hơmâo tơlơi pơkă tong ten, laih dong hơmâo tơhnal pơkă lăp djơ̆, ha amăng plĕ hăng bruă pơplih ngă hră pơ-ar, pơplih mrô hăng hơdôm tơlơi phiăn bơdjơ̆ nao.

Kơ nua lŏn mơnai, Khua git gai pơ ala mơnuih ƀôn sang dêh čar rơkâo ngă rơđah mă yua pơkă nua lŏn hăng mrô pơplih pơkra amăng duh pơhrui glăi lŏn, prăk apah mă yua lŏn, brơi yua apah; pơhlôm djơ̆ hăng nua pơkă hrŏm samơ̆ ăt ƀu tui djop tơlơi pơkă sĭ mơdrô, kiăng bĕ hĭ “nua đĭ tui”, ngă prăk duh đĭ hăng hơdôm akŏ bruă gun ƀu dưi ngă.