Tal čuă jơmư anai mơ̆ng Khua ping gah, Khua mir sir ơi Tô Lâm pơsit tơlơi gơgrong bruă nao hlâo mơ̆ng Việt Nam, jing dêh čar ba akŏ mơ̆ng ASEAN ngă hrŏm hăng EU. Hăng tơlơi či ngă hrŏm pok prong, đăo kơnang kjăp kơ anŏ klă hiam hloh pơ anăp anai mơ̆ng bruă nao rai dua bơnah, hăng hơdôm bruă hơmâo ngă hmư̆ hing amăng 35 thun rơgao, tal nao čuă anai jing hrơi kiăng dua bơnah ngă dlăm hloh hơdôm bruă ngă hrŏm akŏ phun, biă ñu lĕ sĭ mơdrô, tuh pơ alin, boh thâo ia rơgơi, măi mok, pơtô pơjuăt mơnuih mă bruă, mơ̆ng anun akŏ pơjing tơlơi nao rai Việt Nam hăng EU jing gru ba jơlan amăng jơlan hơdră ngă hrŏm ASEAN-EU.

Hăng dêh čar Bỉ, tal čuă jơmư anai kiăng dua bơnah pơplih yom gah bruă ngă hrŏm amăng hơdôm bruă mơ̆ dêh čar Bỉ kơtang hloh laih anun Việt Nam glăk pơƀut kiăng ngă hlâo amăng bruă boh thâo ia rơgơi, chip hrĕ apui añĕ, apui lơtrik hơdjă, ngă hmua mơtah, hăng pơčeh phrâo ia rơgơi, logistics wơ̆t hăng tơdrun tum păn rơgơi./.