Tui hăng hră pơthâo brơi, rơnoh đĭ kyar bơwih ƀong huă 9 blan mơ̆ng tơring čar hơmâo 8,22%, aka ƀu dưi ngă hăng hơnong pơkă ba tơbiă ôh. Amăng kŭi 4, anom bruă man pơdong khŏm đĭ kyar hăng rơnoh  70,27%, boh thâo măi mok đĭ 25,24% či pơhrua nao mrô kơƀah.

Tơring čar jao bruă kơ Kơ-iăng khua jơnum min mơnuih ƀon sang tơring čar ơi Trương Công Thái glăm bruă prăp rơmet prăk tuh pơ alin mơ̆ng abih bang mơnuih mơnam 34.586 klai prăk, pơhrui glăi kơ kơnuk kơna 7.254 klai prăk; Kơ-iăng khua jơnum min mơnuih ƀon sang tơring čar ơi Đào Mỹ gơgrong ngă hơdôm hơnong pơkă măi mok, boh thâo phrâo, ba sĭ gơnam pơ tač rơngiao 765 klăk USD laih anun čơkă 1,66 klăk wơ̆t tuai hyu ngui. Hăng gong gai să phường, KPI pơƀut kơ bruă pơhrui, mă yua prăk kăk, brơi nao prăk či ngă bruă laih anun boh than ba glăi bruă bơwih ƀong boh nik ñu. Khua jơnum min mơnuih ƀon sang tơring čar ơi Đỗ Hữu Huy kiăng him lăng rim rơnoh pơkă, pơsit rơđah pô gơgrong, bruă kiăng ngă, gơnam pơkra hăng hrơi pơkă ngă giong, laih dong thâo djŏp bruă mă rim blan đah mơ̆ng tañ pơklaih brơi anŏ tơnap./.