Tui lăi pơthâo, pơđĭ kyar bơwih ƀong huă 9 blan thun 2026 amăng tơring čar Quảng Trị truh rơbêh 8,4%, pơhrui ngăn drăp giăm 9.200 klai prăk. Đĭ pơhiăp pơđut mông mă bruă, kơ-iăng Khua dêh čar ơi Lê Tiến Châu črâo nao tơpă tơlơi tơnap tap pơprong, hơmâo rơnoh pơđĭ kyar aka djơ̆ tơlơi kiăng, anŏ pơtrut pơđĭ kyar ăt gơnang nao sa, dua akŏ bruă apui lơtrik pơprong hăng bruă jao prăk mă yua tuh pơ alin man pơdong dŏ kaih.

Kơ-iăng Khua dêh čar rơkâo tơring čar đing nao ngă 8 bruă jao akŏ phun, amăng anun pơsit tong jao prăk tuh pơ alin man pơdong lĕ bruă jao kơđi čar; pơsir hĭ gun găn hơdôm akŏ bruă dŏ đôm glăi; tŏ tui tơlơi dưi mơng pơkra apui lơtrik, tơdrun kompăn, bah amăng jang hăng jơlan ter bơwih ƀong Ngŏ-Yŭ; tañ pơgiong akŏ bruă Kual bơwih ƀong sĭ mơdrô giăm guai Lao Bảo-Densavan hăng pơđĭ kyar kual bul pơtâo Cồn Cỏ. Laih dong, tơring čar kiăng hrưn đĭ ngă klă amăng pơtô hrăm tơdơi kơ dưm dăp pơmut hrŏm sang hră.