Khua dêh čar ơi Lê Minh Hưng lăi pơtong: Thun 2026 čih pioh rơnoh mrô bơwih ƀong huă ƀơi dêh čar pơblih hiam klă dưi ngă truh 14/15 tơhnal pơkă hăng rơgao hloh. Yak nao amăng thun 2027, Việt Nam ăt kiăo tui anŏ kiăng rơnoh pơhrui glăi lu, bruă ngă tui kơtang hloh pơhrui rơnoh GDP mơ̆ng 10% pơngŏ.

Ƀing khua mua rơkâo đĭ ăt khom pơblih phrâo, pơtrut bruă ngă kiăng tuh pơ alin amăng bruă čar, pơkra ming hăng sĭ mơdrô, blơi yua; ngă pơhruaih tui hăng pơtrut tơlơi kơtang gêh găl phrâo bơwih ƀong huă mơtah, bơwih ƀong huă mrô, bơwih ƀong huă pơhlom akŏ klôn. Hrŏm hăng anun, pơsir hĭ tơlơi gun hơdôm kơčăo bruă phun, pơtrut ba yua rơnoh prăk tuh pơ alin kơ bruă čar, ba yua đut tơhnal tơlơi gêh găl ngă bruă gong gai dua gưl ƀơi tơring čar, plơi pla hăng pơtrut hmar ngă hră pơar. Ƀing khua mua lăi lĕ, hơdră dăp lui hlâo rơnoh blơi ia săng, apui yua amăng thun pơ anăp amra đĭ. Khom sem lăng bruă mă ngă kaih hăng rơnoh mă jia thun 2026, khom pơgăn hĭ prăk trun nua. Thun 2027 amra kơtrâ̆o hloh, khom hơmâo tơlơi gir run hrŏm abih bang amăng glông bruă kơđi čar, khul mơnuih ngă bruă mơdrô kiăng pơtrut pơđĭ kyar truh dua mrô amăng thun 2027 hăng dưi tŭ yua sit nik.