Tui hăng mrô jŭ yap, amăng 5 thun mơ̆ng thun 2021-2025, tơlơi truh lŏn adai ngă ngă kơ 1.455 čô mơnuih djai hăng rơngiă aka ƀu ĕp ƀuh, ngă rơngiă prăk rơbêh kơ 230 rơbâo klai prăk; kơnong amăng thun 2025, rơngiă prăk rơgao kơ 100 rơbâo klai laih.

Akŏ bruă či ngă thun 2026-2030 pơƀut kơ hơdră pơgang kơthel kơtang, ia dăo, lŏn tơhlŏm, dlưh kriang, ia kuor, adai phang khot, ia mơsin hram. Klah čun mông jơnum, Kơ-iăng khua dêh čar ơi Hồ Quốc Dũng kiăng tañ čih pơkra hơdră či ngă bruă, hơdră pơsir tong ten, dưi ngă tui, prong gưl dêh čar, pơhlom hơmâo abih bang anom bruă, tơring tơrang gum ngă. Bruă anai khŏm pơsit rơđah tơlơi gơgrong mơ̆ng Gơnong dlông hăng tơring čar, ƀon lan; thâo krăn djŏp tơlơi truh lŏn adai ngă hŭi rơhyưt kiăo tui rim kual, pơmut bruă pơgang tơlơi truh lŏn adai ngă amăng akŏ bruă či ngă, hơdôm ring bruă či ngă.