Mông jơnum hơmâo pơphun bưp ƀơi anăp, wơ̆t hăng amăng online pơtruh hăng 124 boh să phường, kual wai lăng phara. Tơring čar Lâm Đồng glăk hơmâo rơbêh kơ 621.000 čô hlăk ai, amăng anun hơmâo rơbêh 108.000 čô hlăk ai djuai ania ƀiă.

Ƀơi mông pơbưp, 20 tơlơi tơña, tơlơi rơkâo đĭ mơ̆ng ƀing khua hlăk ai, hlăk ai tơdăm dra pơƀut lăi nao kơ bruă hơmâo sit amăng tơlơi bơwih ƀong, kah hăng prăk či ngă bruă, pơtruh anih sĭ mơdrô, ba sĭ hơdôm mơta gơnam tam hơmâo mơ̆ng bruă kơsem min boh thâo, ĕp jơlan pơtô pơjuăt bruă mă, pơsir brơi bruă mă, pơhưč mơnuih mă bruă hlăk ai rơgơi, laih anun bruă djru sang dŏ. Ƀing khua mơ̆ng hơdôm gơnong bruă mơ̆ng tơring čar hơmâo lăi glăi, ngă rơđah brơi lu tơlơi mơ̆ hlăk ai kiăng hmư̆. Pơhiăp tom hăng hlăk ai, ơi Hồ Văn Mười, Khua jơnum min mơnuih ƀon sang tơring čar Lâm Đồng, rơkâo hlăk ai thâo mơneč mă djŏp anŏ gêh găl, pơtrut mă yua hơdôm anŏ hơmâo mơ̆ng plơi pla, khin pơphun bruă bơwih ƀong mơ̆ng hơdôm hơbô̆ bruă lăp djơ̆ hăng tơlơi hơmâo sit nik./.