Khua mua dua bơnah pơsit glăi tơlơi biăn ngă dlăm hloh bruă rô nao rai Ngă gŏp yom amăng abih bang bruă mă, amăng anun pơtrut tuh pơ alin amăng jơlan hơdră pơčeh phrâo Bah amăng mut nao rai rŏng lŏn tơnah (Global Gateway) nhăng Ngă hrŏm ba yua apui ayuh bơkơnar (JETP); Lăi dlăm anŏ yom mơ̆ng bruă pok pơhai ngă djŏp Hră kĭ pơkôl sĭ mơdrô rơngai Việt Nam - EU (EVFTA) hăng tañ kĭ brơi Hră pơgang ba bruă tuh pơ alin Việt Nam - EU (EVIPA).

Dua bơnah ăt tŭ ư gir anăp nao đĭ kyar ngă hrŏm gơnam tam juăt yua mơ̆ aka ƀu pơkra; pơtrut ngă hrŏm amăng bruă boh thâo ia rơgơi, pơčeh phrâo, pơtô hrăm hăng pơtô pơjuăt rơguăt bruă, ngă bruă mơtah, hơdjă, man pơdong anih anom yom phun, bơwih ƀong đuăi dar, laih anun bơwih ƀong gah ia rơsĭ mơtah. Dua bơnah lok glăi tơlơi ƀuăn pơtrut tui hăng pơgang ba tơlơi dưi ană mơnuih. Dua boh dêh čar lăi dlăm anŏ yom hăng boh tŭ yua jơlan gah ngă hrŏm lu dêh čar, hăng hơđong kjăp ƀơi jar kmar kiăo tui tơlơi phiăn. Khua khul wai lăng kual Mi Kô̆ António Costa hăng Khua Jơnum min kual Mi Kô̆ yă Ursula von der Leyen bơni biă tơlơi gơgrong mơ̆ng Việt Nam amăng ASEAN. Dua čô khua dŏ čang biă kơ mông Jơnum khua mua pơprong ngă lơphet 50 thun akŏ pơjing tơlơi rô nao rai ASEAN - EU amăng thun 2027./.