Tui hăng hơdră ngă bruă, phường An Nhơn Tây hơmâo lŏn sang đang hmua, glai rưng rơbêh kơ 75 km2, phường Čư̆ Sê prong năng ai 125 km2, phường Phù Mỹ prong giăm 55 km2, phường Tây Sơn prong giăm 100 km2, laih anun phường Tuy Phước prong năng ai 53 km2. Hlâo kơ anun, hơduah tơña mă tơlơi pơgop hiăp, brơi ƀuh mơnuih ƀon sang pơ hơdôm kual anai tŭ ư biă hăng bruă akŏ pơdong phường, pơƀuh pran jua đăo kơnag hăng čang rơmang prong biă hăng jơlan đĭ kyar mơ̆ng tơring čar.

Tơdơi kơ dăp glăi gong gai, tơring čar Gia Lai hơmâo abih bang 135 gong gai să, phường. Tui hăng jơlan gah ngă bruă pơ anăp, truh pơ thun 2028, Gia Lai amra ngă hră akŏ pơdong phường phrâo hăng 8 boh să, hơmâo An Lương, Cát Tiến, Đak Đoa, Đức Cơ, Ia Grai, Phù Cát, Tuy Phước Đông hăng Bình Khê. Truh pơ thun 2030, Gia Lai him lăng či ngă hră akŏ pơdong phường phrâo dong hăng 3 boh să Đề Gi, Čư̆ Prong hăng Bình Dương./.