VOV.Jarai - Mơguah kơnôl 16/6, Jơnum min mơnuih ƀôn sang tơring čar Dak Lăk brơi Pri hră pơhing tơring čar Dak Lăk tal 6 - thun 2025 hăng pơphun pơplông Pri hră pơhing tơring čar Dak Lăk tal 7 thun 2026.

VOV.Jarai-Tơring čar Khánh Hòa glăk ngă ječ kiăng kơ pơgiong bruă jao glăi lŏn mơnai pioh man pơdong sang măi apui lơtrik ayuh Ninh Thuận 1 hăng 2 amăng lơ 30/6/2026 tui tơlơi rơkâo mơng Khua dêh čar.

VOV.Jarai-Tŭ ư hăng tơlơi jak iâu mơng Khua mir sir Nga ơi Vladimir Putin, Khua dêh čar ơi Lê Minh Hưng hăng Khua mua pơprong dêh čar Việt Nam pơphun nao Jơnum khua mua pơprong ƀrô tal hơdor glăi 35 thun tơlơi rô nao rai kual ASEAN-Nga hăng pơphun hơdôm bruă mă mơng dua bơnah ƀơi ƀôn prong Kazan, dêh čar Nga dong mơng kơnôl 16-18/6.

VOV.Jarai-Tlam tom brơi (16/6), Khua dêh čar ơi Lê Minh Hưng hăng ƀing khua mua pơprong dêh čar Việt Nam nao truh laih pơ tơdron rơdêh por jar kmar Kazan ƀơi ƀôn prong Kazan, dêh čar Nga, pơphun nao jơnum khua mua pơprong ƀrô tal hơdor glăi 35 thun tơlơi rô nao rai ASEAN-Nga hăng hơdôm bruă mă dua bơnah tui tơlơi jak iâu mơng Khua mir sir Nga ơi Vladimir Putin.

VOV.Jarai - Mơguah kơnol 15/6, ƀơi Sang bruă Kơnuk kơna, Khua dêh čar ơi Lê Minh Hưng pơhiăp telephôn hăng Khua dêh čar Khač ơi Lý Cường.

VOV.Jarai - Hơdôm glông jơlan hơmâo apui jă rơđah bơngač, hla gru čar hiam ƀhêm por đơhet ƀơi dua bơnah jơlan ƀudah hơdôm hơbô̆ bruă wai lăng anih hơdip, ayuh hyiăng mă pô, glăk pơplih phrâo lu plơi pla ƀơi Dak Lăk. Mơ̆ng hơdôm bruă ngă jê̆ giăm amăng tơlơi hơdip rim hrơi, khul mơnuih ngă hmua hăng mơnuih ƀôn sang djru ngă hơdjă, mơtah mơda anih anom amăng plơi pla, djru akŏ pơdong plơi pla hiam, hơdip mơak.

VOV.Jarai - Tlam kơnôl 15/6, ƀơi Sang bruă Ping gah, Khua git gai Ping gah, Khua mir sir ơi Tô Lâm git gai ngă bruă hăng Anom pơtô bruă Ping gah hăng Pơtô ba mơnuih ƀôn sang dêh čar pơgôp hiăp kơ Akŏ bruă pơtô kjăp tơlơi pơmin mơ̆ng Ping gah amăng hrơi mông mă yua boh thâo mrô.

VOV.Jarai - Tlam kơnôl 15/6, Jơnum min pơ ala mơnuih ƀôn sang tơring čar Gia Lai tal XIII, rơwang thun 2026-2031 pơphun Jơnm lok 4 (akŏ bruă phun), pơsit mă yua lu tơlơi pơtrun yom kơ đĭ kyar bơwih ƀong huă - mơnuih mơnam, laih dong pơtŏng glăi boh tŭ yua hăng tơlơi tơnap tơdơi kơ 1 thun ngă bruă tui gong gai 2 gưl.

VOV.Jarai-Yang hrơi dơ̆ng, kơnôl 15/6, ơi Lương Nguyễn Minh Triết, Khua ping gah tơring čar Dak Lak git gai mông jơnum ngă bruă hăng khua mua Group T&T kơ bruă sem lăng tuh pơ alin hơdôm kơčăo bruă man pơdong plơi prong phrâo hăng pơkra apui yua rơgoh amăng tơring čar.

  VOV.Jarai-Tlam kơnôl 15/6, ƀơi sang bruă khua pơ ala mơnuih ƀôn sang dêh čar, ơi Trần Thanh Mẫn, Khua git gai pơ ala mơnuih ƀôn sang dêh čar mă bruă hăng khua mua ding jum pơtom hiăp; khua mua jơnum min gah ling tơhan, pơgang rơnuk rơnua hăng pơtom hiăp; anom bruă khua pơ ala mơnuih ƀôn sang dêh čar kơ tơlơi pơđĭ kyar pok pơhai bruă ngă hrŏm bơwih brơi pơtom hiăp mơ̆ng sang bruă khua pơ ala mơnuih ƀôn sang dêh čar, khua mua anom bruă pơ ala mơnuih ƀôn sang dêh čar.