VOV.Jarai-Tơdơi kơ rơbêh 2/3 hrơi pơphun ngă “Bruă pơklaih ala lŏn kơ hơdôm ring bruă akŏ phun”, truh ră anai, tơring čar Dak Lăk pơklaih laih ala lŏn kơ hơdôm pluh ring bruă dŏ kơđông hĭ amăng lu thun.

VOV.Jarai-Kiăng prăp lui hlâo tơlơi truh lŏn adai ngă ayuh hyiăng hlim hơjan ƀu lê̆ anŏ, biă mă ñu ia dăo kơtang, tơring čar Dak Lak prăp lui hơdră djru mơnuih ƀôn sang man pơdong lu hơbô̆ sang bĕ hĭ ia dăo. Hơdôm rơtuh boh sang mơ̆ng Bruă ngă Quang Trung hơmâo giong laih, hơdôm rơtuh boh sang dưm pông rơdêh kơsu huăi ia kơdrăm, hơmâo tơmeh bong kơjăp laih anun lu sang bĕ ia lip amăng plơi pla, hơmâo djru kơ mơnuih ƀôn sang hơđong ƀiă pran jua sit truh bơyan ia lip.

   VOV.Jarai-Mơguah kơnôl 13/8, ƀơi sang bruă kơnuk kơna, Khua dêh čar ơi Lê Minh Hưng git gai jơnum, mă bruă hăng khua mua sang bruă prăk kơnuk kơna Việt Nam hăng gơnong bruă prăk brơi čan amăng dêh čar.

VOV.Jarai - Lơ̆m Kơčăo bruă črăn 1 hăng 3 ƀiă či giong laih, či ba mă yua, Kơčăo bruă črăn 2 - jơlan rơdêh đuăi hmar Khánh Hòa - Buôn Ma Thuột glăk ngă kaih. Pô tuh pơ alin hăng sang bruă gơgrong man pơdong glăk ĕp jơlan ngă bruă lăp djơ̆ amăng mông adai hơjan hlim, man pơdong tañ ƀiă.

VOV.Jarai-Lơ̆m ngă tui tơlơi jak iâu Mă bruă “500 hrơi mlam pơtrut hơduah ĕp, rŭ kuai hăng pơsit anăn krăn pô tơlang tơleh tơhan pơsăn drơi”, să Đak Pek, tơring čar Quảng Ngãi hơmâo ĕp ƀuh kuai mă 10 per tơlang tơhan djai pơsăn drơi ƀơi kual plơi thôn 16/5.

VOV.Jarai-Amăng tal nao čuă gưl kơnuk kơna truh pơ New Zealand, tlam kơnôl 12/8, ƀơi ƀôn prong Auckland dêh čar New Zealand, Khua ping gah, khua mir sir ơi Tô Lâm hăng grup khua mua mơ̆ng Việt Nam hơmâo bưp khua mua, mơnuih apăn bruă sang bruă anih jưh pơ ala hăng mơnuih ƀôn sang Việt Nam dŏ ƀơi dêh čar New Zealand.

VOV.Jarai - Kơnôl 12/8, ƀơi sang bruă Kơnuk kơna, Kơ-iăng khua dêh čar ơi Hồ Quốc Dũng jơnum hăng hơdôm Ding jum, anom bruă hăng ƀing pơ ala sang bruă bơwih ƀong mơdrô pơsir hĭ anŏ tơnap, tơlơi dŏ gun gah lŏn tơnah, ayuh hyiăng, kông ngăn amăng gŭ lŏn, gơnam pioh čih man pơdong.

VOV.Jarai - Ƀơi anăp bruă ayuh hyiăng pơplih phara amăng hơdôm blan dŏ glăi, Dak Lăk glăk sem lăng abih bang dơnao, bơnư̆ kŏng ia, hăng hơdôm anih amuñ tơlŏn, ia dăo; laih dong prăp lui hlâo hơdră pơgang, anăm brơi dŏ kơtuă, sư̆ rơbư̆ ôh lơ̆m hơmâo tơlơi truh.

VOV.Jarai - Truh blan 8 pơ anăp, tơring čar Gia Lai glăk brơi nao rơbêh kơ 9.320 klai đôč, hơmâo rơbêh 30% hơnong pơkă thun anai. Ră anai tơring glăk pơƀuh ngă lu hơdră pơklaih brơi anŏ tơnap, brơi nao prăk kăk, gir brơi abih 100% prăk hơmâo jao mơtăm. 

VOV.Jarai - Tlam kơnôl 12/8, ƀơi sang bruă Kơnuk kơna, Khua dêh čar ơi Lê Minh Hưng tŭ jum Khua anih jưh Singapore ƀơi Việt Nam, ơi Rajpal Singh, nao bưp, mă tơngan.