Hơdôm bruă kiăng ruah: 1 čô đah rơkơi pơtui jua pơhiăp tơlơi Êđê; 1 čô đah kơmơi pơtui jua pơhiăp tơlơi Jarai; hăng 1 čô mơnuih hyu mă tơlơi pơhing.

Kơ tơlơi pơkă kiăng hơmâo lơ̆m ruah, pô kiăng ruah khŏm ngă tui tơlơi pơkă hrŏm, amăng anun hơmâo hră pơsit ană mơnuih čar Việt Nam, hơmâo tơlơi pơhing anăn, anih dŏ, sang anŏ rơđah rơđông, pran jua gah bruă kơđi čar, tơlơi pơmin hiam, suaih pral, laih anun hơmâo ƀang hrăm bruă lăp djơ̆ hăng bruă či ngă.

Hăng mơnuih ngă bruă pơblang, dăp hơdră, pôr jua pơhiăp tơlơi Êđê, tơlơi Jarai, pô anun khŏm hrăm giong gưl prong đại học truh kơ prong hloh; thâo pơđok, thâo čih tơlơi djuai ania gơñu, er, đok pơhiăp rơđah, mơak, laih anun thâo hiăp, thâo hluh rơđah tơlơi Yuan (tiếng Việt). Pô tơbiă anăn kiăng ruah dưi čih tơlơi ră ruai, čih hră pơhing laih anun dưi mă yua boh thâo ia rơgơi đah mơ̆ng dưi ngă bruă čih, pơkra, pôr pơthâo tơlơi pơhing mrô amăng plang internet, plang mơnuih mơnam juăt ngui jing dưi ruah hlâo.

Hăng pô hyu mă tơlơi pơhing, pô anun khŏm hrăm giong gưl prong jing đại học truh kơ prong hloh, hơmâo er pơđok rơđah, dưi čih ră ruai djŏp mơta, čih tơlơi pơhing laih anun thâo mă yua boh thâo pôr pơhing. Ƀing tơbiă anăn kiăng ruah hơmâo ƀiă biă ñu 1 thun mă bruă gah anom bruă pôr pơhing, čih hră pơhing, pơblang, dăp hơdră ƀudah pơkra jơlan hơdră pôr pơhing, pơdah rup, tơlơi pơhing mrô jing dưi ruah hlâo.

Hơdră ruah hơmâo: pơplông, ruah kiăo tui hră pơ-ar hrăm bruă

Hrơi mă hră hơduah bruă amăng mông mă bruă, mơ̆ng hrơi Sa truh hrơi Rơma, pơphun mơ̆ng kơnôl 15/10 truh kơ abih kơnôl 30/10/2026. Mơnuih ngă hră hơduah bruă mơit Hră rơkâo hơduah bruă tui gru phrâo hloh mơ̆ng Phòng Hành chính - Tổng hợp, Anom bruă kual Dap Kơdư - Gong phun jua pơhiăp Việt Nam, mrô 19A Lê Duẩn, phường Buôn Ma Thuột, tơring čar Dak Lăk.

Prăk či ngă hră hơduah bruă lĕ 500.000 prăk/sa čô. Mơnuih mơit hră hơduah bruă ƀu kiăng brơi prăk hơget dong tah, rơngiao mơ̆ng prăk hơmâo pơthâo anai. Prăk anai ƀu hơmâo brơi glăi ôh, tơdah pơplông ƀu dưi.

Tơlơi pơhing rơđah rơđông ƀing ta pơhiăp tom ơi Nguyễn Hữu Hùng, Khua anom bruă Hành chính - Tổng hợp, mrô telephôn: 0905.044.466.

https://vov.vn/xa-hoi/vov-tay-nguyen-tuyen-dung-3-vien-chuc-lam-viec-tai-dak-lak-post1341425.vov