Ơi Vương Hải Bằng, Ding kơna Khul apăn bruă phun Ping gah tơring čar Thiểm Tây, Khua ping gah plơi prong Diên An pơsit, tal čuă jơmư mơ̆ng Khua pơ ala mơnuih ƀôn sang jing tơlơi yom biă mă, đah mơ̆ng pơtrut tui tơlơi rô nao rai plah wah hơdôm boh tơring mơ̆ng Việt Nam hăng plơi prong Diên An.

Lăng yom bruă đĭ kyar mơ̆ng plơi prong Diên An, ăt kah hăng tơlơi gir run mơ̆ng plơi prong lơ̆m răk pioh “anih gru mriah”, Khua pơ ala mơnuih ƀôn sang dêh čar ơi Trần Thanh Mẫn bơni hơ-ơč kơ plơi prong Diên An đĭ kyar na nao, laih anun rơkâo kơ Diên An hrŏm hăng hơdôm boh tơring ƀơi Việt Nam pơtruh ngă hrŏm kjăp hloh dong, pơbưp mơnuih ƀôn sang; ngă hrŏm čơkă tuai hyu ngui, biă ñu lĕ “čuă ngui anih mriah” tui kru mơnuih ngă hơkrŭ đưm mơ̆ng dua boh dêh čar; ngă hrŏm răk pioh, pơtrut tui gru phun đưm, gru grua hiam, pơbưp nao rai mơnuih ƀôn sang./.