Jơnum hơmâo pơphun kiăng pơmut hrŏm tơlơi pơmĭn hăng bruă mă mơng ƀing apăn bruă, boh tơhnal phun, hơdôm tơlơi pơplih phrâo, akŏ phun amăng hơdôm tơlơi pơtrun pơsit mơng Ping gah. Ƀing khua mua kơsem min, pơhrăm, hruă kjăp 6 bruă phun hơmâo: Tơlơi pơtrun amăng kơtưn pơjing, pơplih pơkra amăng Ping gah hăng anih anom kơđi čar ngă bruă tơpă sit, hơđong kjăp, djop mơta, lăp djơ̆ hăng tơlơi rơkâo pơđĭ kyar amăng lŏn ia amăng rơnuk phrâo; tơlơi pơtrun kơ pơplih jơlan gah git gai wai lăng mơng Ping gah hăng anih anom kơđi čar amăng rơwang phrâo; tơlơi pơtrun kơ đing nao pơjing mơnuih apăn bruă djop gưl, sit biă ñu lĕ gưl pơprong hơmâo djop tơlơi thâo thăi hăng pran đăo gơnang, bơkơnar bruă jao.

Tơlơi pơkă kơ mơnuih Ping gah mut hrŏm bruă tuh pơ alin, sĭ mơdrô; tơlơi klah čun kơ hơdră bruă phun dêh čar amăng pơhưč, thâo mă yua hăng pơđĭ kyar mơnuih mă bruă rơgơi amăng djop gơnong bruă, bruă akŏ phun djru brơi lŏn ia pơđĭ kyar tañ, hơđong kjăp; lăi pơthâo lăng glăi bruă pơđĭ kyar bơwih ƀong huă-mơnuih mơnam, pơhrui ngăn drăp kơnuk kơna thun 2026; prap lui akŏ bruă pơđĭ kyar bơwih ƀong huă-mơnuih mơnam, pơhrui ngăn drăp kơnuk kơna thun 2027.