Bruă ngă hrŏm mơ̆ng Sang bruă jŭ yap kơnuk kơna hăng djop tơring čar jai hrơi hơmâo boh tŭ yua sit nik. Boh tơhnal sem lăng jŭ yap amăng kơnuk kơna, bơwih brơi kơ khul pơ ala mơnuih ƀôn sang pô krăp lăng, pơsit glăi, pơtong rơnoh prăk mă yua hăng laih mă yua djơ̆ tơlơi phiăn laih anun hơdôm tơlơi pơtrun amăng bruă jŭ yap bruă kơnuk kơna gah kơ bruă jŭ yap prăk kăk amăng kơnuk kơna.

Truh abih blan 9 thun anai, rơnoh hră čih rơkâo brơi jŭ yap glăi amăng anih jŭ yap prăk kăk kơnuk kơna kual VIII dưi ngă rơbêh 94%. Git gai mông jơnum, ơi Nguyễn Hữu Nghĩa, Khua anom bruă jŭ yap prăk kăk kơnuk kơna rơkâo, anom bruă jŭ yap prăk kăk kơnuk kơna kual VIII kiăo tui djop bruă, tui hăng anŏ gêh găl rĭm tơring čar, ruah mă boh yom phun či jŭ yap glăi prăk kăk phun hơmâo ba yua, anăm lui hơmâo tơlơi bơrơkua nao rai hăng pơtrut brơi ngă tui djơ̆ tơlơi rơkâo hlâo kơ anun.