Amăng tal anai, UNICEF djru brơi 450 kơthung dưm ia yua prong 1.000 lit brơi mơnuih ƀôn sang ƀơi 3 boh să Ea Phê, Čư̆ Pui hăng Krông Pač, tơring čar Dak Lak. Ƀing mơnuih arăng djru brơi lĕ hơdôm boh sang anŏ kơƀah ia yua, sit biă ñu lĕ ia pioh tơnă hơbai. Jơlan hơdră đing nao djru brơi sang anŏ ƀun rin, giăm ƀun rin, sang anŏ yua đah kơmơi ngă akŏ sang hăng sang anŏ hơmâo čơđai muai, sit biă ñu ƀing čơđai drơi jăn ƀu klă.

Hrŏm hăng bruă djru ba hơdôm boh sang anŏ, jơlan hơdră anai ăt sem lăng djru brơi kơthung ia brơi hơdôm boh sang hră glăk kiăng sit nik, pơgôp pơhlôm ia yua brơi ƀing čơđai sang hră hăng nai pơtô. Bruă djru brơi kơthung ia hơmâo pok pơhai lơm hơdôm boh ƀon lan glăk gơgrong prap lui hơdră pơhlôm pơgang không phang, kơƀah ia yua amăng bơyan phang thun 2026-2027.