Khua dêh čar ơi Lê Minh Hưng hrŏm hăng khua mua ping gah, kơnuk kơna nao jơnum hrŏm. Giong ngă yang atâo, jôk mơyut, ơi Lê Minh Hưng, Khua dêh čar, hrŏm ƀing khua mua hơđăp hăng khua mua amăng ping gah, kơnuk kơna rŭi nao hrŏm pơyua atâo, dor tơlang ƀing tơhan djai pơsăn drơi jăn yua kơ lơ̆n ia, ƀơi ƀut pơsat prong dor tơhan djai pơsăn drơi jăn yua kơ lơ̆n ia amăng ƀôn prong Hồ Chí Minh, či phường Long Bình.

Mơ̆ng đang bơnga Lê Thị Riêng nao pơ pơsat dor tơhan djai pơsăn drơi jăn yua kơ lơ̆n ia, tơlang tơleh ƀing tơhan pơsăn drơi hơmâo ba glăi dor djơ̆ ƀơi anih amăng pơsat, kah hăng anih amĭ dor la ama dor sôk amăng ƀôn prong.  Ƀing adơi ayong anong wa khin hơtai djai drơi yua kơ lơ̆n ia, ƀing amai, ƀing neh wa pơsăn drơi dưi glăi pơdơi hăng ƀing gơ̆p sa anih laih. Bruă ngă kiăng pơčrang čơđeh meh tơlang, đah mơ̆ng thâo anăn krăn pô, hơduah ĕp sang anŏ, phung wang, plơi pla kơ pô djai ăt djă pioh ba pơčrang ADN, jŭ yap glăi hăng kah pơpha, yua kơ hăng lu sang anŏ dŏ tơguan na nao tơlơi pơhing anun.