Truh ră anai, tơring čar Gia Lai hơmâo 517 gru mrô anih pla, hăng hmua đang rơbêh 13.500 ha. Amăng anun, đơ đam đang hmua pla gơnam pioh ba sĭ pơ tač rơngiao hơmâo rơbêh kơ 12.700 ha. Hrŏm hăng anun, tơring čar ăt hơmâo rơbêh 60 gru mrô pơčrâo anih anung gơnam ba sĭ pơ tač rơngiao, dưi anung năng ai 3.600-3.800 tơn boh troh săt rim hrơi.

Kiăng dưi ngă hră pơčrâo đang hmua, tơring čar Gia Lai hơmâo dưm pơmut năng ai 7.350 ha đang kơphê mơ̆ng rơbêh 5.200 boh sang anŏ laih anun giăm 970 ha đang sâu riêng mơ̆ng 712 boh sang anŏ ngă hmua kiăng thâo djŏp tơlơi pơhing. Kiăng ngă brơi tañ ƀiă hră pơsit gru mrô đang hmua, anih tơjŭ pla, pơ anăp anai, Gơnong bruă ngă hmua hăng ayuh hyiăng tơring čar Gia Lai ngă tui jơlan gah, hơmâo djŏp tơlơi pơhing dơ̆ pă, ngă tui dơ̆ anun, ngă brơi hlâo anih hơmâo djŏp hră pơ-ar lŏn đang, lăng glăi hơdôm đang hmua anet, laih anun pơhrua tui hră pơ-ar ƀơi anih hơmâo hmua đang prong, tơlơi pơhing lŏn tơnah dŏ tơnap./.